Тыа хаһаайыстыбатын аналыгар туттуллар сир учаастагын атыылааччыга сүбэ

Тыа хаһаайыстыбатынан аналыгар туттуллар сири атыылыыр эбэтэр атыылаһар түгэҥҥэ тугу билиэхтээхпитий?
Холобур, «Тыа хаһаайыстыбатын сирин эргиирин туһунан» Федеральнай сокуоҥҥа олоҕуран, бас билээччи учаастагын атыылыырга сананнаҕына, булгуччу боломуочуйалаах уорганы эрдэттэн сэрэтиэхтээх.

«Дьокуускай куорат» куорат уокуругар оннук боломуочуйалаах уорган соҕотох — Дьокуускай куораттааҕы Баай-дуол уонна сир сыһыаннаһыыларыгар департамена.

Сэрэтиини (извещениены) тиксэрэр аадырыс: Дьокуускай, Октябрьскай уул.20/1, бастакы этээс, 2-с нүөмэрдээх түннүк. Сарсыарда 12 ч. киэһэ 17 ч. диэри. Эбиэттиир кэмнэрэ: 13 ч -14 ч.

Арассыыйа почтатынан эмиэ ыытыахха сөп: 677000, Ленин бэрэспиэгин 15, 612 кэбиниэт.

Итинник булгуччулаах СЭРЭТИИ ИРДЭММЭТ ТҮГЭННЭРЭ эмиэ бааллар. Ол курдук, өскөтүн:
*   сир учаастага публичнай аукцион нөҥүө атыыланар буоллаҕына.
*   сир судаарыстыбаннай эбэтэр муниципальнай наадыйыыга ылыллар (изъятие) буоллаҕына. Холобур, суол оҥоһулларыгар, кэҥииригэр, лииньийэ барарыгар анаан ылыахтарын сөп.
 

Сокуон өссө ханнык түгэҥҥэ дьайбатый?
Ити этиллэр тыа хаһаайыстыбатын аналыгар туттуллар сир эргиирин туһунан сокуон дьайбат, ол аата, боломуочуйалаах уорганы сэрэтии ирдэммэт өскөтүн:
*   гражданнар кэтэх хаһаайыстыбаларын (ЛПХ) сирэ буоллаҕына.

*Ону тэҥэ оҕуруот аһын үүннэрэргэ уонна саад үлэтин ыытарга бэриллибит сир учаастактарыгар эмиэ.

*Гараас тутуллар сиригэр.
*   бааһынай хаһаайыстыбанан дьарыктанарга анаан пиэрмэрдэргэ бэриллибит олорор дьиэттэн ураты хамсаабат хапытаал, тутуу эбийиэктэрэ баар сирдэригэр.
Быһата, бу карточкаларынан сирдэт. Извещениены хайдах быһыылаахтык суруйарга тиийэ  ДЖО саас-сааһынан быһааран суруйбут.

Сири атыылыырга туохха болҕойуохха?

1.  Сиргэ быраап статуһун көр: Сир категорията — «тыа хаһаайыстыбатын аналыгар туттуллар сир (о.э., тыа хаһаайыстыбатынан дьарыктанарга анаммыт сир) уонна көҥүллэммит туһаныы көрүҥэ (ВРИ) эһиги сыалгытыгар сөп түбэһэр буолуохтаах.

Холобур, тыа хаһаайыстыбатын бородууксуйатын оҥорон таһаарыыга туттуллар буолуохтаах. Ону бигэргэтиҥ.
2.  Кыраныысса  уонна кадаастыр учуота: Учаастак чопчу быһаарыллыбыт кыраныыссалаах, булгуччу кадастр учуотугар туруоруллубут буолуохтаах. Межевание былаана баара – эмиэ булгуччулаах.
3.  Ити сиргэр хааччах туруоруллубатах буолуохтаах: ону билэргэ ЕГРН выпискатын ылаҕын. Онуоха Судаарыстыбаннай өҥө порталын туһаныахха сөп. Выпискаҕа сурулларынан, сир суутунан тутуллубатах (арест), солуокка бэриллибэтэх буолуохтаах. Сервитут эбэтэр үһүс сирэйдэр бырааптара баарын-суоҕун эмиэ бэрэбиэркэлээҥ.
4. Сир нолуога олоччу төлөммүт, иэһэ суох буолуохтаах: Атыылыах иннинэ сир нолуогун төлөбүрүгэр уонна атын булгуччулаах төлөбүрдэргэ иэс баар түгэнигэр булгуччу сабыллыахтаах.
5.  Баһылыыр быраап тутуһуллуута: Учаастагы публичнай аукцион нөҥүө буолбакка, бэйэҕит атыылыыр түгэҥҥитигэр үөһэ суруллубутун курдук, боломуочуйалаах уоргаҥҥа сэрэтии ыытан баран, хайаан да  уорган ыытар хардатын кэтэһиҥ. Оччотугар түһэрсибит дуогабарыҥ дьиҥэ суоҕунан ааҕыллар кутталыттан быыһанаҕын.  
6.  Нотариуһунан бигэргэтии: Сир учаастагын атыылаһар-атыылыыр туһунан дуогабары (дееспособнай, сокуоннай саастарын сиппит сирэйдэр кыттыбыт түгэннэригэр) нотариуһунан бигэргэтии үгүс өттүгэр ирдэммэт.  Ол гынан баран, кэлин өйдөммөт, өйдөспөт быһыы тахсыбатын туһугар, сэрэххэ, нотариустанар ордук диэн сүбэлииллэр.  Дьэ, оттон бас билии бырааба хас да киһиэхэ (кыттыгас, долевой) баар буолар эбэтэр сокуоннай сааһын туола илик оҕо интэриэһэ таарыллар  түгэнигэр, дуогабары нотариуһунан бигэргэттэрии булгуччулаах.