Туймаада ыһыаҕын сыыппаралара, чахчылара
Ыалдьыттар
2 күннээх Туймаада ыһыаҕар 230 тыһыынчаттан тахса киһи кэлэн, астына-дуоһуйа сынньанан барда.
Ыһыаҕы үөрүүлээхтик арыйыы
Бырааһынныгы арыйыы сиэригэр-туомугар 800-тэн тахса артыыс кыттыыны ылла.
Тырааныспар
Дьокуускай – Үс Хатыҥ – Дьокуускай туһаайыытынан ЯПАК МУП уонна «Союзавто» НО 119 оптуобуһа 155 уонна 156 №-дээх маршруттары оҥорон, дьону тастылар. Оптуобустар 3 симиэнэнэн тиһиги быспакка үлэлээтилэр: 2 симиэнэ – күнүс, 1 – түүн. Бырайыас сыаната баан каартатынан 85 солк. тэҥнэспитэ, уу харчынан – 95 солк.
Быйыл аан бастаан «Drivee» хампаанньаны кытта сөбүлэҥ түһэрсиллэн, икки 8 миэстэлээх уонна икки 11 миэстэлээх гольфкардар Үс Хатыҥ иһигэр дьону босхо тастылар.
Ыһыах аһа
Үрүҥ тунах ыһыахха 75 туоннаттан тахса эт атыыланна. 82 атыы-эргиэн туочуката үлэлээтэ.
Эмп-томп
– Субуота, өрөбүл күннэргэ мэдиссиинэ өҥөтүнэн 260-тан тахса киһи туһаммыт.
– Суһал көмө 25 киһиэхэ оҥоһуллубут.
– 100-тэн тахса медүлэһит дьуһуурустубалаабыт.
Бэрээдэк
– Бэрээдэги көрүүгэ 800-тэн тахса үлэһит үлэлээбит.
– Ыһыах кэмигэр 40 оҕо муна-тэнэ сылдьарын төрөппүттэригэр туттарыллыбыт.
– 54 сүппүт малы-салы хаһаайыттарыгар тиксэрбиттэр.
– Быстах кэмнээх медвытрезвительгэ итирик туруктаах 16 киһини аҕалбыттар.
– Полиция отделыгар 1 буруйдааҕы киллэрбиттэр.
– Аккредитацията суох 3 беспилотнигы тутта сылдьааччыны булбуттар.
– Көҥүлэ суох оонньууну тэрийии уонна арыгыны атыылааһын 1-дии түбэлтэтэ бэлиэтэммит.
– Уопсайа 300-чэкэ л, о.э. балтараа буочука саҕа кээмэйдээх арыгы былдьаммыт:
– Баайы-дуолу уоруу 4 түбэлтэтэ тахсыбыт, баайы-дуолу алдьатыы – 1, оҕону түҥнэри көтүү (атаҕын тоһуппут) – 1.
Бырааһынньык кэнниттэн
– «Якутскэкосети» ХЭУо 100-тэн тахса кубометр кытаанах хомунаалынай тобоҕу таһаарда.
«Дыгын оонньууларын» чахчылара
«Дыгын оонньуулара» күөн күрэс бирииһин пуондата быйыл хайа да сыллааҕар улаатан, 20-чэ мөлүйүөҥҥэ тиийбитэ. Ол курдук муҥутуур кыайыылаах буолбут Артем Дьяконовка (Кэбээйи) 3 мөл.солк. кээмэйдээх уу харчынан бириэмийэ («Прогресс» тутуу хампаанньата (Алексей Пинигин), бүгүҥҥү күҥҥэ 7 мөл. 600 тыһ. солк. кэриҥэ сыаналаах (дьиэ киириитин саҕана сыаната өссө үрдүөн сөп), 44 кв. миэтэрэ иэннээх 1 хостоох кыбартыыра («СТК» хампаанньалар бөлөхтөрө, Анатолий Заболоцкай), атын боотурдарга эмиэ сыаналаах, суолталаах бэлэхтэр оҥоһуллубуттара.
Сонуннар
Ордук ааҕаллар
