Туймаада ыһыаҕын былаһааккаларыгар дьону босхо таһыахтара
Дьокуускай куорат дьаһалтата Drivee хампаанньаны кытта дуогабардаспыт. Үс Хатыҥҥа түөрт гольф-кар — иккитэ 8 миэстэлээх уонна иккитэ 11миэстэлээх — сылдьыаҕа. Олорго олорсон, былаһаакка икки ардыгар босхо айанныахха сөп. Олорорго бастатан туран кыаммат-түгэммэт дьоҥҥо, хат дьахталларга, кыра оҕолоох дьиэ кэргэттэргэ уонна аҕам саастаахтарга ураты болҕомто ууруллуо.
Киин аанынан уонна Саҥа муоста аттыгар Drivee таксига сакаас биэрбит пассажирдары түһэрэр уонна олордор анал зоналар тэриллиэхтэрэ. Манна массыынаны ыҥырар уонна кэтэһэр тохтобуллар баар буолуохтара, онон Үс Хатыҥҥа кэлэр уонна дьиэҕэ барар судургутуйуо.
Быйылгы Туймаада ыһыаҕа Арассыыйаҕа Норуоттар сомоҕолоһууларын уонна Саха Өрөспүүбүлүкэтигэр Култуура сылларыгар ананыа. Быйыл Дьокуускай олохтоохторо уонна ыалдьыттара балаакканан олорорго миэстэлэри эрдэттэн үлэһэн ылыахтарын сөп. Ыһыахха арыгы атыыта бобуллар — Дьокуускай баһылыга Евгений Григорьев итирдэр утаҕы атыылааһыны бобор туһунан уураах таһаарда. Ити курдук бобуу былырыын эмиэ үлэлээбитэ.
Сонуннар
Ордук ааҕаллар
