Туймаада ыһыаҕар барар инигин?

Улуу Туймаада, Өрөспүүбүлүкэ килбэйэр киин куората дьоллоох Дьокуускай самаан сайыны уруйдуу көрсөр, сир-дойду иччилэригэр, аан айылҕаҕа, күн Айыыларыгар үҥэр-сүктэр, үтүө, сырдык олоҕу түстүүллэригэр көрдөһөр саамал кымыс утахтаах Үрүҥ Тунах ыһыаҕа Үс Хатыҥ дьоһун-мааны туонатыгар саҕаланара үс хонук хаалла.

✅ Интэриниэт сибээһэ 2G диэри түһэринэн, ханна, хаһан көрсөргүтүн, сүтэрсэр түгэҥҥэ, ханна булсары дьоҥҥутун кытта быһаарсан кэбиһэргит ордук буолуоҕа.

✅Атыы-тутуу эрээттэригэр вай-фай холбонуо. Ол да буоллар, сэрэххэ, уу харчыны илдьэ бараргыт ордук.

✅ Пауэрбанк (внешний аккумулятор) уктары умнумаарыҥ.

✅ Иһэр уулаах бараргыт куйаас күҥҥэ наада.

✅ Хаамарга табыгастаах атах таҥаһынан хааччыныҥ.

🔗 ыһыах түһүлгэлэрин Интерактивнай каартатын уонна бырааһынньык толору бырагырааматын куорат дьаһалтатын саайтыгар бу сигэни баттаан киирэн, көрөр, билсэр кыахтааххын: https://ysyakh.yakadm.ru

Ити сигэнэн киирэн, холобур, балааккалар түстэнэр сирдэригэр (палаточный городокка) миэстэ уурдарар  (бронь) ылар кыахтааххыт.