«Туймаада Ыһыаҕа – 2026» тэрээһиннэригэр бэлэмнэнии түмүктэнэр

Репетиция кэмигэр бырааһынньык арыллыытын бырагыраамата толору оҥоһулунна. Кыттааччылар бары сценическэй көстүүмнэри кэтэн, култуурунай нүөмэрдэр бүтэһиктээх бэлэмнэрин көрдөрдүлэр.

Евгений Григорьев ыалдьыттар куттал суох буолууларын хааччыйыыга ылыллар дьаһаллары санатта. Бырааһынньык күннэригэр «Үс Хатыҥ» сиригэр-уотугар мобильнай сибээс түргэнэ 2G стандартыгар диэри намтыаҕа, онон мобильнай интэриниэт үлэлээбэт буолуоҕа. Гражданнарга баан каарталарын уонна уу харчыны илдьэ сылдьаллара сүбэлэнэр, атыы-эргиэн туочукаларыгар уонна общепит сирдэригэр терминаллар үлэлиэхтэрэ.

«Күндү Дьокуускай куорат олохтоохторо уонна ыалдьыттара! Сайын кэлбитинэн уонна Ыһыаҕынан эҕэрдэлиибин! Бэс ыйын 27-28 күннэригэр Туймаада ыһыаҕар күүтэбит. Ыһыах култуурунай уонна спортивнай бырагыраамалара эһиэхэ умнуллубат көстүүнү бэлэхтииргэ толору бэлэмнэр», – диэтэ Евгений Григорьев.