«Тута: Один в поле воин» диэн уус-уран киинэни устары дойду салалтата өйүүр

Ол курдук, РФ култуураҕа миниистирэ Ольга Любимова саха киинэтэ Арассыыйа кинематограбыгар дьоһун миэстэтин бэлиэтээн туран, «Тута: Один в поле воин» диэн уус-уран киинэни устары өйүүрү наадалааҕынан ааҕар. Бүгүҥҥү күҥҥэ киинэни устар бөлөх субсидия куонкуруһугар сайаапка биэрэн эрэр. Санатар буоллахха, Арассыыйа Дьоруойа Андрей Григорьев туһунан уус-уран киинэни устууну уонна прокатка таһаарыыны дойду Баһылыга Владимир Путин ааспыт сыл ахсынньы ыйыгар буолбут пресс-конференциятыгар өйүүрүн биллэрбитэ.

Оттон киинэни устуу туһунан быһаарыы XXVIII Петербурдааҕы экономическай форумҥа ылыллыбыта. Ил Дархан Айсен Николаев бырайыагы ДНР баһылыга Денис Пушилины кытта дьүүллэспиттэрэ, диэн Ил Дархан уонна Бырабыыталыстыба пресс-сулууспата иһитиннэрэр.