Тулагы-Киллэм Сыырдааҕар "Анньыы күрэҕэ" бастыҥ эр дьону түмтэ

"Анньыы күрэҕэ" — эр киһи сатабылын, түргэнин, тулуурун уонна күүһүн-уоҕун дьон иннигэр көрдөрөр маастар-кылааска тэҥнээх тэрээһин. Эр дьоммут күүстээх санаалара, дьулуурдара көрөөччүлэргэ өрө күүрүүлээх түгэннэри бэлэхтээтэ.

Сүрүн күрэх таһынан, тэрээһин кэмигэр оҕолорго анаан тоҥ хаары ойуулаах, көрдөөх-нардаах күрэхтэр ыытылыннылар.

Күрэх күүстээх, кыахтаах кыайыылаахтара:

I миэстэ — Антон Атласов;

II миэстэ — Андрей Андреев;

III миэстэ — Егор Колесов.

Кыайыылаахтар анал дипломнарынан уонна спонсордарбыт бэлэхтэринэн наҕараадаланнылар. Бу сүдү тэрээһини ыытар бөлөххө — Яков Федоров, Афанасий Жирков, Захар Федоров уонна Александр Иустинов — барҕа махталбытын тиэрдэбит. Тэрээһини өйөөбүт, көмөлөспүт тэрилтэлэрбитигэр — М.П. Обутова-Эверстова аатынан Култуура киинигэр уонна Сыырдаахтааҕы В.С. Дмитриева аатынан «Алгыс» култуура дьиэтигэр — дириҥ махталбытын биллэрэбит. Спонсордарбытыгар барҕа махтал — Яков Федоров (бэйэтэ оҥорбут саха быһаҕа уонна мүһэ), Николай Корякин, Андрей Андреев, Захар Федоров, Манчаары Спиридонов (мангал), Маргарита Федорова (Tupperware иһиттэрэ) уонна өссө да атын кылааттарын киллэрбит, өйөөбүт бары дьоммутугар!

Эр дьоммут күүстэрэ-уохтара өссө да эбиллэ, сырдыкка, үтүөҕэ тардыһаллара күүһүрэ турдун. Нэһилиэктэрбит сайда, чэчирии турдуннар!