Тулаайах оҕолору дьиэлээһин

Кулун тутар 25 күнүгэр буолбут Ил Түмэн 18-с пленарнай мунньаҕар СӨ Ааҕар-суоттуур палаататын (мантан салгыы – АСП) 2025 сыллааҕы үлэтин түмүгүн бэрэссэдээтэл Алена Федорова иһитиннэрдэ. Бу туһунан Ил Түмэн пресс-сулууспата тугу суруйбутун салгыы билсиэҕиҥ.

*2025 с. тохсунньу 1 күнүнээҕи туругунан өрөспүүбүлүкэ үрдүнэн босхо олорор дьиэнэн хааччыллар бырааптаах 3 453 тулаайах оҕо баар эбит. Хааччыйыы билиҥҥи тэтиминэн уонна үбүлээһин билиҥҥи кээмэйинэн салҕанар түгэнигэр, кинилэри дьиэлииргэ 13 сылтан тахса кэм наада буолар. Оттон маннык балаһыанньа 2030 сылга диэри дьиэҕэ уочараты суох оҥоруу бырагырааматын толорор кыаҕы олоччу суох оҥорор.

Федеральнай киин итиннэ көрсүллэр ороскуот 25,5%-ын эрэ сабар, уоннааҕыта өрөспүүбүлүкэ бүддьүөтүн сүнньүгэр олорсор.

Онон РФ Ааҕар-суоттуур палаатата, эрэгийиэннэр дааннайдарын учуоттаан, дойду бырабыыталыстыбатыгар федеральнай үбүлээһини улаатыннарар уонна нуормаларга уларытыылары киллэрии наадатын туһунан рекомендация ыыппыт.

Ол быыһыгар 12 муниципальнай тэриллиигэ төһө эмэ бүддьүөккэ туттуллубатах тобох үп баарын үрдүнэн, 80 оҕо олорор сирэ суох хаалбыт. Бу маны АСП олохтоох бэйэни салайыныы уорганнарын аалларын маһа хамсаан быстыбатынан быһаарар. Уопсайа бу хайысхаҕа 324,8 мөл. солк. суумалаах кэһии уонна итэҕэс баар эбит.