Тротуарга турбут павильон дьылҕата быһаарылынна

Бу эбийиэги атырдьах ыйыгар 203-с түөлбэҕэ «Пятёрочка» маҕаһыын таһыгар тротуарга аҕалан туруорбуттар.

«Мин куоракка киоскалары мээнэ туруорары боборбун биллэрбитим, оттон манна павильону олох даҕаны тротуар ортотугар туруорбуттар. Уталыппакка тиэйэн илдьиҥ», – диэн соруйда куорат баһылыга Дмитрий Садовников.

Дьокуускай куорат урбааҥҥа департамена иһитиннэрбитинэн, павильон көҥүлэ суох турбут. Маны таһынан, куорат стационарнайа суох эргиэн эбийиэктэрин схематыгар киирбэтэх, ону тэҥэ сир учаастагын бас билээччини кытта куортам дуогабара түһэрсиллибэтэх.