Тренергэ - «Benelli Super Vinci» итальянскай булт саата

Ол туһунан Саха дэгит күрэһин федерациятын бэрэсидьиэнэ, Дыгын оонньууларын генеральнай спонсора, "Прогресс" тутуу хампаанньатын гендириэктэрэ Алексей Пинигин иһитиннэрбит. 

Бу иннинэ “Дыгын оонньууларын” кыайыылааҕа спонсор “СК-Строй” ХЭТ биир хостоох кыбартыыраны уонна генеральнай спонсор “Прогресс” ХЭТ 3 мөл.солк. харчынан бирииһи ылыахтааҕа биллэр этэ.
Санатар буоллахха, Оонньуулары быйыл быһа эпииргэ икки тылынан сырдатыахтара: «Якутия 24» ханаалга Степан Посельскай – нууччалыы, «Саха» НКИХ уонна «Мамонт» ханаалга Александр Посельскай экспертэри кытта сахалыы кэпсиэхтэрэ. Маны таһынан, «Тэтим» араадьыйа долгунугар биллиилээх суруналыыс Николай Бястинов комментарийын истиэххэ сөп.

«Дыгын оонньуулара-2026» кыттыылаахтара:
1. Борис Сдвижков (Амма)
2. Николай Матаннанов (Таатта)
3. Яков Дмитриев (Кэбээйи)
4. Артем Дьяконов (Кэбээйи)
5. Тимофей Большаков (Сунтаар)
6. Алексей Созонов (Орто Халыма
7. Алексей Соколов (Сунтаар)
8. Ариан Мярин (Томпо)
9. Владимир Шологонов (Үөһээ Бүлүү)
10. Юрий Копырин (Чурапчы)
Маны сэргэ 6 боотур рейтининэн, ол эбэтэр очко ахсаанынан кыттар быраабы ылбыттара:
11. Руслан Слепцов (Мэҥэ Хаҥалас)
12. Павел Друзьянов (Чурапчы)
13. Илья Карамзин (Уус Алдан)
14. Александр Пшенников (Өлүөхүмэ)
15. Айсен Семенов (Өлөөн)
16. Иван Степанов (Дьокуускай)

Хомойуох иһин, үһүс сүүмэрдиир түһүмэххэ Дьулустаан Ноговицын (Горнай) уонна Алексей Уваровскай (Кэбээйи) миэстэҕэ тиксэр очкону хомуммакка, быйылгы «Дыгын оонньууларыгар» кыттыбат буоллулар.