ТОП-9: Щитовиднай быччархай сөбүлүүр астара

Мүөт, грецкэй эриэхэ уонна лимон

3-4 грецкэй эриэхэ иччитин бытарытан баран, биир остолуобай ньуоска мүөтү кытта булкуйуллар уонна сарсыарда аччык искэ сиэниллэр. Маннык 1-2 нэдиэлэ устата күн аайы сиир буолуҥ диэн сүбэлииллэр.

2-3 лимону кичэйэн сууйан баран, кыра харахтаах түөркэҕэ хаҕын кытта анньыллар. Итиэннэ биир оччо мүөтү ылан, барытын кэлим маасса буолуор диэри булкуйуллар. Күҥҥэ үстэ биирдии ост. нь. иһиллэр.    

2. Муора хаппыыстата

Састаабыгар дьуот уонна щитовиднай быччархайы ыарыыттан харыстыыр 40 араас битэмиин, элемент баар.

Ыарыыны эрдэттэн сэрэтэргэ олус туһалаах.  

3. Хурма

Дьуотунан балачча баай, ол эрээри муора хаппыыстатыгар тиийбэт. Ол оннугар хурмаҕа магний, натрий, тимир (бэл, дьаабылыканы баһыйар), ону таһынан А, С уонна Р битэмииннэр бааллар.  

4. Луук 

Щитовиднай быччархайга, быарга уонна сүрэххэ туһалаах. Иммунитеты бөҕөргөтөр микроэлеменэ элбэх.

5. Дьаабылыка

Щитовиднай быччархайы араак килиэккэлэриттэн харыстыыр. Сиэмэчикэлэрин быраҕымаҥ, сиир буолуҥ диэн суруйаллар. Онуоха Гала диэн сорт ордук үчүгэй, В17 диэн битэмиининэн баай эбит. Аны бу дьаабылыканы хайаан даҕаны хаҕын кытта сиэниллэр.  

6. Краб этэ

Састаабыгар иммунитеты бөҕөргөтөр В12 битэмиин уонна цинк баар. Манна даҕатан эттэххэ, кэнсиэрбэлэммит краб этэ туһалаах эттиктэрин сүтэрбэт эбит.  

7. Черника 

Антиоксиданынан киниэхэ тэҥнээх суох. Щитовиднай быччархай үлэтигэр гормон кэһиллиитин туоратарга көмөлөһөр.

8. Шпинат 

Лютеинынан уонна каротеноидтарынан баай буолан, щитовиднай быччархай үлэтигэр күүс-көмө буолар.

9. Кыһыл балык

Экспертэр сүбэлииллэринэн, щитовиднай быччархайы киэһэ «аһатар» ордук. Бу уорган күнү быһа үлэлээн, сарсыҥҥы күҥҥэ күүс эбинэригэр «оттук» эрэйэр үһү. Дьэ, онуоха Омега-3 курдук туһалаах сыалаах кислотанан баай кыһыл балык (лосось, семга, форель, горбуша) бэркэ барсар – ууга эбэтэр бэйэтин симэһинигэр буспут, кыра туустаах.

Сөпкө аһааҥ уонна чэгиэн-чэбдик сылдьыҥ!