Тохтобуллары сахалыы биллэрэр наада дуо?

- Аан бастаан 2018 сыллаахха устубуттара. Оччолорго куорат иһинээҕи маршруттары, тохтобуллары эрэ аахпытым. 4 күн субуруччу түөртүү чаас үлэ барбыта.

Куорат таһынааҕы маршруттары, тохтобуллары 2025 сыл ахсынньы ыйыгар сахатыппыппыт. Биллэн турар, куораппыт күн-түүн кэҥиир, уларыйар, саҥа уулуссалар, тохтобуллар киирэллэр. Ол аайы хам-түм ыҥыран саҥардаллар, - диэн Ньургуяна Егоровна санаатын үллэстэр.

«Тохтобуллары сахалыы биллэрэр наада дуо?» - диэн ыйытыыга Ньургуяна Егоровна: «Тылбыт - омукпут биир саамай киэн туттуута, барҕа баайа. Ону күннээҕи олохпутугар киэҥник туттарбытынан киэн туттуох кэриҥнээхпит», - диэн хоруйдуур.

Даҕатан эттэххэ, тылбааска Гуманитарнай чинчийии институтун учуонайдара үлэлэспиттэр, онон ким эрэ айбыт дуу, тылдьыттан булан ылбыт дуу тыллара буолбатахтар эбит. Ол иһигэр умнулла быһыытыйбыт тыллары сөргүтүү үлэтэ кытта ыытыллара кэрэхсэбиллээх.

Санатар буоллахха, Ньургуяна Ушницкая куолаһынан куорат урукку маассабай бырааһыннььыктара сахалыы саҥарбыттар. Онон куорат саастаах олохтоохторо кини куолаһын өйдүөхтэрин сөп. Ньургуяна Егоровна билигин Уокуруктааҕы норуот айымньытын киинигэр үлэлиир.