Тохсус кылаас кэннэ орто анал үөрэххэ киирии судургутуйда

Бырабыыталыстыба иһитиннэрбитинэн, тохсус кылааһы бүтэрбит уонна орто анал үөрэххэ салгыы үөрэнэр былааннаах оҕолор икки булгуччулаах эксээмэни эрэ туттарыахтара. Ити да сөп буолар, диэн Санкт-Петербургтааҕы норуоттар икки ардыларынааҕы экономическай форумҥа (ПМЭФ) вице-премьер Дмитрий Чернышенко ССТА-ҕа биэрбит интервьютугар эттэ.

«Тохсус кылаас оҕолоругар киириигэ билигин чэпчэтиилээх түгэн оҥоһуллар: кинилэр нуучча тылын уонна математиканы эрэ туттараллар уонна орто анал үөрэх (СПО) систиэмэтигэр киириэхтэрин сөп», – диэтэ Чернышенко.

СПО (орто анал үөрэх) – бу идэлээх үлэһиттэри уонна орто звено исписэ­лиистэрин бэлэмнииргэ туһуламмыт үөрэх таһыма. Үөрэтии быраактыка сатабылларыгар олоҕурар уонна оскуоланы 9 эбэтэр 11 кылаас кэнниттэн 1,5–4 сыл иһигэр колледжка эбэтэр техникумҥа идэ ыларга кыаҕы биэрэр.