«ТОБОҔУ – ТУҺАҔА»
Айылҕаны харыстыыр, ыччаты дойдуга таптал, харыстабыллаах сыһыан тыыныгар иитэр, олохтоох оҥорон таһаарыыны сайыннарар сыалтан Аан дойдутааҕы Сир күнүн көрсө Дьокуускайга ХVII өрөспүүбүлүкэтээҕи «Тобоҕу – туһаҕа» научнай-практической конференция былааннанар.
Тэрээһин муус устар 22 күнүгэр XX өрөспүүбүлүкэтээҕи «Айылҕа уонна биһиги» экологическай аахсыйа иитинэн ыытыллыаҕа.
Конференция кыттыылаахтара тулалыыр эйгэни киртитии, бөх кыһалҕатын быһаарыы боппуруостарын дьүүллэһиэхтэрэ, маны сэргэ оскуола үөрэнээччилэригэр экологическай бырайыактарга күрэх буолуоҕа.
Архыыптан: «Киин куорат» хаһыат биллэрбит «Тобоҕу - туһаҕа» күрэҕэр Амматтан Табунановтар таҥас сыыһыттан кутуйах оҥорон ыыппыттара.
Үгэс курдук быраҕыллар матырыйаалы туһаҕа таһаарыыны көрдөрөр быыстапка, маастар-кылаастар тэриллиэхтэрэ.
Буолар сирэ: М.К. Аммосов аатынан ХИФУ, КФЕН, Кулаковскай уул., 48.
Сайаапкалары муус устар 15 күнүгэр диэри https://forms.yandex.ru/u/69b10875f47e737ab035846a сигэнэн күүтэллэр.
Сиһилии: https://minpriroda.sakha.gov.ru/news/43138
Сонуннар
Ордук ааҕаллар
