Тирээпкэ уонна салпыакка – канализация кыр өстөөхтөрө

Холуодьас түгэҕэр тирээпкэ уонна туттуллубут сииктээх салпыакка мөчөхтөнөн, тоҥон, бүөлэнии төрүөтэ буолбут диэн быһаардылар. Бу «баай-дуол» саахал тахсыар диэри төһө өр өрөһөлөнө сыппыта биллибэт. Арай этиллибит аадырыстан кыһын устата биир да сайаапка киирбэтэҕэ бэлиэтэннэ.

Аны бүгүн, олунньу 17 күнүгэр, «Жилкомсервис» үлэһиттэрэ Рыдзинскай уул., 24/2 саахалы туората сылдьаллар.

Бу иннинэ «Киин куорат» канализация бүөлэниитэ маассабай көстүүгэ кубулуйбутун, «Жилкомсервис» тэрилтэ үлэһиттэрэ канализация тиһигин ыраастыы сылдьан кыһыҥҥы кууркаҕа, куобах тириитигэр тиийэ булалларын суруйан турар. Манна даҕатан эттэххэ,  тахсыбыт саахал үксэ унитаһы сыыһа туттуу түмүгэр буолар. Онуоха муҥур буруйдааҕынан, канализация кыр өстөөҕүнэн  аныгы дьон күннээҕи олоҕор сөбүлээн туттар сииктээх салпыаккатын ааттыыллар.