10.03.2022 | 18:00

Тимир суолунан бастакы уочарат бородуукта кэлиэхтээх

Тимир суолунан бастакы уочарат бородуукта кэлиэхтээх
Ааптар: Киин Куорат

Аһылыгы уонна социальнай суолталаах табаардары өрүһүнэн суол сабыллыар диэри аҕалар курдук Саха Өрөспүүбүлүкэтин Бырабыыталыстыбата «Арассыыйа тимир суоллара» ААУо кытта туһааннаах үлэни ыытар. 
«Саха сирин Бырабыыталыстыбата «Арассыыйа тимир суоллара» ААУо генеральнай дириэктэрэ Олег Белозеров аатыгар Кунцево-2 станцияттан тыын суолталаах табаардарынан тиэллибит 70 контейнердаах уонна Москва куораттан бородуукталаах 5 вагону поеһынан ыыталларын курдук сурук ыытта», - диэн иһитиннэрдэ өрөспүүбүлүкэ тырааныспарга уонна суол хаһаайыстыбатыгар миниистирэ Владимир Сивцев.
Регионнааҕы суһал штаб потребительскай ырыынак тэрилтэлэрэ бигэ туруктаах үлэлэрин тэрийэр туһунан мунньаҕар өрөспүүбүлүкэҕэ бородууктаны аҕалыынан дьарыктанар предпринимателлэр тимир суол вагоннара тиийбэтин туһунан эттилэр. Регионнааҕы бизнес бэрэстэбиитэллэрэ Бырабыыталыстыбаттан тырааныспар боппуруоһун быһааралларыгар көдөстүлэр.
«Саха сирин тимир суоллара» АХ ААУо генеральнай дириэктэрэ Василий Шимохин эппитинэн, хампаанньа таһаҕаһы уонна пассажирдары харгыһа суох таһар кыахтаах. 2022 сыл икки ыйын түмүгүнэн 1,4 мөл тонна таһаҕас таһыллыбыт, ити көрдөрүү 2021 сыллааҕыттан 41% үрдүк. 
Таһаҕаһы таһыыга сүрүн миэстэни чох ылар, кини кээмэйэ 539,6 тыһыынча тоннаҕа тэҥнэспит. Ниэптэ бородуукталарын таһыы 38% үрдээбит, ол эбэтэр 78 тыһыынчаҕа тоннаҕа тиийбит. Итини кытта атын таһаҕас тиэйиитэ 52% үрдээбит – 36,6 тыһ. тонна, бородуукта 5% үрдээбит – 9,6 тыһ. тонна. Аллараа Бэстээх станциятынан барыта 219,9 тыһ. тонна таһаҕас ааспыт, ити көрдөрүү былырыыҥҥытааҕар 26% үрдүк.
Итини таһынан, «Саха сирин тимир суоллара» АХ ААУо Уһук Илиҥҥи уонна Илиҥҥи Сибиир хайысхаларынан пассажирдары таһар диэн иһитиннэрэр регион тырааныспарга уонна суол хаһаайыстыбатыгар Министиэристибэтин пресс-сулууспата.

Сонуннар

Ордук ааҕаллар

Оҕуруот аһын олордооччуларга саҥа субсидия көрүллүөҕэ
Сонуннар | 18.05.2022 | 15:00
Оҕуруот аһын олордооччуларга саҥа субсидия көрүллүөҕэ
«Развитие овощеводства и картофелеводства» саҥа федеральнай бырайыак чэрчитинэн субсидия бэриллэр буолуоҕа. Манан дьоҕус уонна орто предпринимателлэр, маны сэргэ, “самозанятайдар” уонна кэтэх хаһаайыстыбалаах дьон эмиэ туһаныахтарын сөп. Ол курдук, судаарыстыба хортуоппуйу уонна да атын оҕуруот аһын олордуунан дьарыктанар оҥорон таһаарааччылары өйүүр миэрэлэри кэҥэтиэҕэ. Бу туһунан уураахха Арассыыйа бырабыыталыстыбатын бэрэссэдээтэлэ Михаил Мишустин...
Ньургуһуну эмкэ туһаныы
Сынньалаңңа | 12.05.2022 | 12:30
Ньургуһуну эмкэ туһаныы
Тоҥ буору тобулан тахсар хорсун сибэкки ньургуһун барахсан олоххо тардыһыытынан, кэрэ көстүүтүнэн эрэ буолбакка, араас ыарыыны эмтиир кыахтааҕынан өбүгэ саҕаттан аатырар. Аныгы үйэ киһитэ ньургуһунан хайдах эмтэниэн сөбүй? Бу туһунан айылҕаттан айдарыылаах норуот эмчититтэн туоһуластыбыт. Юлия Юрьевна Николаева – норуот эмчитэ, “Арчы дьиэтин” иһинэн үлэлиир өбүгэ үгэһин, сиэрин-туомун дьоҥҥо тарҕатар,...
Тааттаҕа музей тэриллиитэ
Куорат олоҕо | 14.05.2022 | 15:00
Тааттаҕа музей тэриллиитэ
Кэлэр сэрэдэҕэ, ыам ыйын 18 күнүгэр, аан дойдуга Музей күнэ бэлиэтэнэр. Быйыл Таатта улууһугар кыраайы үөрэтэр музей тэриллибитэ 77 сыла.   Музей тэриллиитэ норуодунай худуоһунньук И.В. Попов аатын кытта ыкса ситимнээх. Дэгиттэр дьоҕурдаах, хас да экспедицияҕа сылдьыбыт (бастакы Сибиряковскай экспедиция 1894-96 сс.), баай матырыйаалы муспут буолан да буолуо, 1938 с. саҕалаан...
Сааскы Ньукуолун — күөххэ үктэнии өрөгөйө
Тускар туһан | 20.05.2022 | 14:00
Сааскы Ньукуолун — күөххэ үктэнии өрөгөйө
Ыам ыйын 22 күнэ – сааскы Ньукуолун. Кыһыҥҥы Ньукуолун ахсынньы 19 күнүгэр бэлиэтэнэр (День святого Николая Чудотворца) Таҥара дьиэтин  бырааһынньыга.   Саха дьонугар былыр-былыргыттан сааскы Ньукуолун күнэ олус ытыктанар, улахан суолталаах, күүтүүлээх. Бу күн уһун кыһыны этэҥҥэ туораан, күөххэ үктэнии үөрүүтэ-өрөгөйө буолар. Мөккүөрдээх соҕус да буоллар, бу күнү сорохтор өссө саха...