Тэрилтэлэр хаары ыраастыыр аахсыйа субуотунньукка тахсаллар

Дьокуускайдааҕы уопсастыбаннай сибээс уонна ыччат управлениетын үлэһиттэрэ волонтедары кытта хаары ыраастыыр аахсыйаҕа кытыннылар. Бу аахсыйа анал байыаннай дьайыыга сылдьар сулууспалаахтар дьиэ кэргэттэрин өйүүр үлэ чэрчитинэн ыытыллар. "Байыаннай сулууспалаахтар дьиэ кэргэттэрин өйүүр кыах баарыттан үөрэбит. Маннык хабааннаах аахсыйалар дьон ыарахан түгэҥнэ түмсүбүтүн көрдөрөллөр", - диэн уокуруктааҕы дьаһалта уопсастыбаннай сибээскэ уонна ыччакка управлениетын салайааччыта Андрей Михайлов бэлиэтээн эттэ.
Управление кэлэктиибэ инникитин маннык куорат олохтоохторун өйүүргэ туһуламмыт көҕүлээһиннэргэ кыттар, саҥа көҕүлүүр тэрээһиннэри саҕалыырга волонтердары кытта бииргэ үлэлэһэр былааннаахтарын иһитиннэрдэ.
Бу аахсыйа быһыытынан ыытыллар куорат уопсай субуотунньугар куорат тэрилтэлэрэ көхтөөхтүк кытталлар. Ол курдук,  "Пааркалар уонна уопсастыбаннай сирдэр дириэксийэлэрэ" МАУК уонна "Теплоэнергия" АУо кэлэктииптэрэ аахсыйа субуотунньукка  тиэхиньикэлээх тахсан, анал байыаннай дьайыы кыттыылаахтарын дьиэ кэргэттэригэр көмөлөһөн, хаардарын ыраастаан биэрдилэр.

 Хаартыскалар: Дьокуускай куорат уокуруктааҕы дьаһалтатын телеграм-каналыттан