Тамерлан Альтемировка бириигэбэр таҕыста. Буруйдааҕа билиннэ

Суут мунньаҕар кини чугас дьоно бааллар, сууттанааччы бэйэтэ малын илдьэ кэлбит.

Суут Альтемировка 4 сыл 2 ыйы накаастабыл холуонньатыгар анаата. Маны таһынан массыынаны ыытар быраабын 2 сыл уонна 10 ыйга быһарга уураахтаата. Суут быһаарбытынан, буруйдаах эмсэҕэлэнээччилэргэ 2 мөл. 100 тыһ. солк. төлүөхтээх.

Ыстараап тутуллан турар Тойота Лэнд Крузер массыынаны, суут Альянс-2004 ХЭТ төннөрөргө уураахтаата.

Санатар буоллахха, суол быһылаана 2025 сыл кулун тутар 5 күнүгэр Дьокуускайга тахсыбыта. Ленин аатынан проспекка икки массыына харсыспыта: «Тойота Суксид» уонна Альтемиров суоппардаах «Тойота Лэнд Крузер». «Тойота Суксид» суоппара уонна олорсон иһэр икки киһи суорума суолламмыттара.

Бу иннинэ судаарыстыбаннай буруйдааччы Альтемировка 4 сылы уонна 8 ыйы уопсай эрэсиимнээх накаастабыл холуонньатыгар көҥүлүн быһарга көрдөспүтэ. Өлбүттээхтэр аймахтара, бириигэбэргэ буруйдаах көҥүлэ быһыллыахтаах диэн суукка эппиттэрэ.