Табаҕы быраҕарга төһө бириэмэ нааданый?

Үксүгэр киһи эйгэтиттэн тутулуктаах

Никотинтан тутулуктаах буолуу доруобуйаҕа куһаҕан дьайыылаах, ол гынан баран аккаастаныы эмиэ ыарахан буолуон сөп. Сорохтор бастакы сырыыга ситиһиилэнэллэр, оттон сорохтор табаҕы быраҕарга хас да сылларын барыахтарын сөп. Психотерапевт-быраас уонна психиатр-нарколог Альбина Хребтова табаҕы быраҕарга мэһэйдиир биричиинэлэри уонна тутулуктаах буолууттан туох хардыылары оҥоруохха сөбүн быһаарда.

Тутулуктаах буолуу хайдах үөскүүрүй

Быраас этэринэн, психологическай тутулуктаах буолуу хас да ый устата үөскүүр, оттон физиологическай – хас да сыл устата. Биир киһи никотиҥҥа ылларарыгар төһө өр бириэмэ барарын чопчу этэр кыах суох.

“Тутулуктаах буолууга хас да түгэн дьайар: киһи хас сааһыттан табахтыыр буолбута, табахтыыр эйгэтэ, киин ньиэрбэтин систиэмэтэ никотинтан тутулуктаах дуу, суох дуу. Бу түгэннэр бары табахтан тутулуктаах буолууга тириэрдэр дуу, суох дуу диэн быһаарыллар”, – диэн быһаарда Альбина Хребтова.