Таатта улууһугар куйаас күннэргэ ыарахан ыйааһыннаах тиэхиньикэлэри хааччахтыахтара

Бу миэрэ куйаас сайыҥҥы температуралар кэмнэригэр аспаал-бетон бүрүөһүнүн харыстааһыҥҥа ананар. Хааччахтааһын салгын температурата +32 °С тахсыбыт күҥҥэ дьайар. Ыарахан уйуктаах таһаҕас массыыналара 22:00 чаастан 10:00 чааска диэри эрэ сылдьаллара көҥүллэнэр.

Хааччахтааһын маннык тиэйиилэргэ тарҕаммат:

• дьону тиэйэр оптуобустарга;
• айылҕа алдьархайын уонна Ыксаллаах быһыыны-майгыны туоратыыга аналлаах таһаҕастар тиэллиилэригэр;
• суолу өрөмүөннүүр тиэхиньикэҕэ уонна матырыйааллары таһыыга.

Суоппардары уонна ыарахан уйуктаах таһаҕас тиэйээччилэри бу хааччахтааһыннары учуоттуулларыгар көрдөһөллөр. Суоппардарга анаан «Тааттаавтодор» АО бэдэрээтчит тэрилтэ сэрэтэр суол бэлиэлэрин туруоруоҕа.