Тааттаҕа Элбэх өҥөнү оҥорор киин үлэҕэ киирдэ

Ол курдук манна биэс улуус баай устуоруйатын харайар архыып, оҕо, киин библиотекалар, хартыына галереята, ЗАГСа  уо.д.а. үлэлиэхтэрэ.

›

1 / 6

Улуус суолталаах тутуу өрөспүүбүлүкэ бастыҥ тутааччыта, киэн туттар биир дойдулаахпыт, "Монтажник" кооператив салайааччыта  Александр Ханин сатабыллаах салайыытынан үлэҕэ киирдэ. Киин аһыллыытыгар улуус, нэһилиэк баһылыктара, тэрилтэ салайааччылара кыттыыны ыллылар. Тэрээһин уратытык, ситимҥэ быһа холбонуунан барда. Ил Дархан Айсен Николаев эҕэрдэтинэн өрөөспүүбүлүкэ  улуустарыттан саҥа эбийиэктэр лиэнтэлэрин быһар Кэбээйи, Сунтаар, Өлүөхүмэ, Анаабыр, Чурапчы, Мэҥэ Хаҥалас, Амма улуустара, Дьокуускай, Мииринэй, Нерюнгри куораттар холбостулар.  Таатталар ааттарыттан Иван Аргунов аатынан улуустааҕы кииннэммит библиотека дириэктэрэ Анна Билюкина эҕэрдэлээтэ, махтанна. Кыһыл лиэнтэни улуус баһылыга Айаал Бурцев, "Монтажник" ПК тутаах үлэһитэ, прораб  Семен Эляков, И.А.Аргунов аатынан улуустааҕы кииннэммит библиотека дириэктэрэ Анна Билюкина кырыйдылар. Таатта култуурунай-духуобунай нэһилиэстибэтин сырдатыыга үгүс өрүттээх үлэлэри, саҥа бырайыактары олоххо киллэриигэ бүгүҥҥү үтүө күн саҕыаҕа, кынаттыаҕа!