Таалай күөл аттынааҕы искибиэргэ аатта таларга кыттыс

Соторутааҕыта Таалай күөл аттыгар “Таалай күөл чугаһынааҕы искибиэргэ ааты талыыга аһаҕас куоластааһын” диэн бэлиэ тэрээһин буолан ааспыта.

Санатан эттэххэ, 2025 сыллаахха бу искибиэр уонна оҕо былаһаакката  “Олох инфраструктурата” национальнай бырайыак чэрчитинэн, “Табыгастаах куорат эйгэтин оҥоруу” диэн уопсастыбаннай туонаны талыы эриэйтиннээх куоластааһыныгар кыайыылаах тахсан, оҥоһуллар буолбута.

Буолан ааспыт тэрээһиҥҥэ атыы-тутуу дьаарбаҥката, Опера уонна балет тыйатырын артыыстарын вокальнай флешмоба, идэтийбит мусукааннары кытта ырыа-тойук буолбута. Волонтердар кэлбит дьоҥҥо ханнык ааттан талыахха сөбө суруллубут  листовкалары түҥэппиттэрэ, куоластааһын буолбута.  

Тэрээһиҥҥэ кыайан сылдьыбатах, билбэккэ хаалбыт дьон, хомойумаҥ. Бэс ыйын 12 күнүгэр диэри бу сигэнэн – https://pos.gosuslugi.ru/lkp/fkgs/home/ киирэн, талбыт барыйааҥҥытыгар куоластыыр кыахтааххыт.  Түгэни туттумахтаһыҥ.