Төрөппүттэргэ сайыҥҥы лааҕырдарга аналлаах мунньах ыытыллар

Тэрээһин онлайн пуорманан барар. Мунньах кэлэр сайыҥҥы кэм туһунан саамай сиһилии уонна туһалаах иитиннэриини биэрэр сыалтан тэриллэр.

Экспертэр оҕолор сынньалаҥын бары өрүттэрин көрүөхтэрэ, лааҕырдар сүрүн дьарыктарын, смена пуорматын уонна сезон уратыларын ырытыахтара. Оҕолорго аһылык уонна медицинскэй көмө, айан сыаната, билиҥҥи чэпчэтиилэр, дьиэ кэргэттэргэ социальнай өйөбүл дьаһалларын туһунан иһитиннэрии бэриллиэҕэ. Төрөппүттэр быһа эпииргэ ыйытыылары биэриэхтэрин уонна түргэн хоруйдары ылыахтарын сөп.

Санатан эттэххэ, ыам ыйын 15 күнүттэн сарсыарда 9 чаастан саҕалаан өрөспүүбүлүкэ үрдүнэн оҕо сынньалаҥын уонна доруобуйатын харыстабылын тэрилтэлэригэр сайаапкалары ылыы саҕаланар. Сайаапканы икки ньыманан биэриэххэ сөп: “Госуслуги” порталыгар баар тус кэбиниэккэ эбэтэр бэйэҥ кэлэн.