Төрөөбүт тылы билии таһымын чинчийбиттэр

Саха сирин олохтоохторо төрөөбүт тылларын төһө билэллэрин уонна күннээҕи олоххо туһаналларын быһаарар социологическай чинчийиини Ил Дархан иһинэн Стратегическай чинчийии киинэ ыыппыт.

Киин салайааччыта Игорь Николаев иһитиннэрбитинэн, 2025 сылга маннык чинчийиинэн 1400 киһи хабыллыбыт. Кинилэр:

39% – төрөөбүт тылларын толору билэринэн ааҕыммыт;

43% – үчүгэй таһымҥа билэр;

55% – төрөөбүт тылын үчүгэйдик билбэт буолан, дириҥэтэн үөрэтэргэ баҕалаах хас биирдии иккис респондент;

88% – хотугу аҕыйах ахсааннаах норуоттар бэрэстэбиитэллэрэ төрөөбүт тылларын билиилэрин таһыма;

60% – саха тыла төрөөбүт тыллаахтар таһымнара.

Чинчийии быһаарбытынан, оҕо аймах баһыйар өттө нууччалыы быһаарсарын ордорор. Респонденнар 27% дьиэҕэ, дьиэ кэргэҥҥэ сахалыы кэпсэтэллэрин үрдүнэн, үөрэх тэрилтэтигэр, саастыылаахтарын кытта алтыһыыга саха тылын туһанар таһымнара лаппа намтыырын билиммит – туһааннааҕынан 13% уонна 11%. Маныаха хас биирдии төрдүс респондент (24%) икки тылынан тэҥинэн холкутук туһанарын билиммит (Ил Дархан уонна Бырабыыталыстыа пресс-сулууспатын матырыйаалынан).