Төрөөбүт тыл, сурук-бичик күнүгэр анаммыт тэрээһиннэр саҕаланнылар

Ол курдук, бүгүн, олунньу 2 күнүгэр, «Айыы Кыһата» национальнай гимназияҕа Олоҥхо олимпиадата буолан ааста.

Оҕо айымньытын дыбарыаһа олунньу 13 күнүгэр диэри «Саха литературатын билэҕин дуо?» викторинаны ыытар. Олунньу 6 күнүттэн Саха гимназиятыгар «Барҕарыы» НПК куораттааҕы түһүмэҕэ күүтүллэр. Саха политехническэй лиссиэйигэр олунньу 7 күнүгэр Босиковскай ааҕыылар былааннаналлар. 6 №-дээх оскуола олунньу 9 күнүгэр уус-уран ааҕыы күрэҕин тэрийиэҕэ. Оҕо айымньытын дыбарыаһыгар «Алгыстаах сахам тыла» методическай хомуурунньук презентацията, «Төрөөбүт тылы үөрэтэргэ бастыҥ методическай үлэлэр» быыстапка тэриллиэхтэрэ.

Маны сэргэ Төрөөбүт тыл, сурук-бичик күнүнэн дьиэ кэргэн күрэхтэрэ, нуучча тыллаах оскуолаларга “Два языка – два крыла” оонньуу, бэстибээллэр, маастар-кылаастар былааннаналлар.

Олунньу 13 күнүгэр сүрүн тэрээһиннэр куорат бары оскуолаларыгар, уһуйааннарыгар былааннанар.

Бырагыраама сиһилии

Хаартыскаҕа: Тэриллибитэ 35 сылын бэлиэтээбит «Кустук» уһуйаан