«Төлөпүөҥҥүн ылыма! Уоппускаҕа олороҕун буолбат дуо?»
SuperJob сервис нэһилиэнньэ санаатын үөрэтэр чинчийиитэ көрдөрбүтүнэн, бу ыйытыыга эр дьон да, кэрэ аҥаардар да биир тэҥник сыһыаннаһаллар эбит.
Ол курдук, үлэ боппуруоһунан эрийдэхтэринэ, эр дьон 32% кыйытта түһэллэр, оттон дьахталлар – 30%. Ол да буоллар сорохтор өйдүүллэрин билиммиттэр – 36 уонна 44%. Ыйытык түмүгүнэн холкутук сыһыаннаһааччылар да аҕыйаҕа суохтар – 29 уонна 24%.
Ойоххор үлэтиттэн эрийдэхтэринэ хайыыгын? Ыйытыкка кэргэнниилэр санааларыгар сүрүн болҕомто ууруллубут. Ол курдук, иккиэн үлэлиир дьиэ кэргэҥҥэ эр дьон 43% уордайан, оргуйа түһэллэр эбит. 34% өйдүүрүн биллэрбит. Холкутук ылынааччы – 17%.
Үлэлиир дьахталлар туох дииллэр эбитий? Эрдэригэр эрийдэхтэринэ: 27% – кыыһыраллар, 43% – өйдүүллэр, 25% – холкутук сыһыаннаһаллар.
Дьиэ кэргэни аҥаардас эр киһи иитэн олорор ыалларыгар кэргэттэр ордук тулуурдаахтара биллибит. Дьахтар 56% өйдүүр, 12% холкутук ылынар, 24% – кыыһырар.
Кэрэ аҥаар эрэ үлэлиир дьиэ кэргэнигэр эр дьон балаһыанньаны өйдүүллэрин (45%) билиммиттэр, ол эрээри астыммат да аҕыйаҕа суох – 38%.
Ыйытык ыытыллыбыт кэмэ: 2026 сыл от ыйын 14 – балаҕан ыйын 3 күннэрэ.
Сонуннар
Ордук ааҕаллар
