Төлөпүөнүҥ «кирпииччэҕэ» кубулуйбатын туһугар

Спамтан аккаастаныы

Интэриниэт-маҕаһыыннар угуйар суруктара күн аайы электроннай почтаҕын бөххө кубулуталлар. Сэрэйдэххэ, ити дойдуга өҥөйбөт да буолуохтааххын. Онон, мунньуллубут суруктар аллара өттүлэригэр баар «Отписаться» сигэни баттаан, күннэтэ кэлэр сыыстан босхолон. Ол оннугар наадалаах суруктаргын «Работа», «Счета», «Личное» диэн паапкаларга наардаа.

Мессенджердэри бэрэбиэркэлээ

Сүүһүнэн иһитиннэрии кэлэ сытар, хараххын аалар, ол эрээри илииҥ тиийбэт буолуохтаах. Биир күҥҥүн манна анаа. Арыйбатаҕыҥ ырааппыт ханаалларгыттан, ол-бу буолар-буолбат бөлөхтөртөн таҕыс, урут кэлбит суруктаргын соттортоо.

Сыһыарыыларга киирэн, «Очистить кеш» диэни баттаа: кинилэр элбэх миэстэни ылаллар. Холобур, МАХ мессенджергэ бу курдук ыраастааһыны оҥоруоххун сөп: «Настройки» – «Память» – «Очистить кэш»

Экраҥҥын сааһылаа

Күн аайы туттар сыһыарыыларгын туспа паапкаларга сааһылаа: холобур, «Банки», «Соцсети», «Игры», о.д.а. Туттарга табыгастаах буолуо.

Туһата суох сыһыарыылары соттор

Төлөпүөн «өйүн» эрэ сииллэр. Куттаммакка босхолон.

Суолталаах хаартыскалары уонна видеолары көһөр

Барытын «Облачнай хранилищеҕа» эбэтэр көмпүүтэргэ көһөр. Төлөпүөнүҥ алдьаннаҕына эбэтэр уларытар түгэҥҥэр, архыыпкыттан ытыс соттубат курдук.

Маннык ыраастааһыны тиһигин быспакка ыытар ордук. Холобур, сылга иккитэ.