Түөкүттэргэ харчыны ыытыы тохтообот

21 саастаах устудьуоҥҥа түөкүттэр сибээс операторын, судаарыстыбаннай өҥө уонна Киин баан аатыттан төлөпүөннээбиттэр уонна 316 тыһыынча солкуобайтан тахса харчытын уорбуттар. 

56 саастаах килиэп астааччы массыанньыктар угаайыларыгар киирбит, киниэхэ ФСБ уонна Киин баан “үлэһиттэрэ” эрийбиттэр. 7 мөлүйүөн солкуобайын ылан барбыт курьеры ИДьМ УБК үлэһиттэрэ булбуттар. РФ УК 159 ыст. 4 ч. – 30 ыст. 3 ч. холуобунай дьыала тэрилиннэ. 

69 саастаах биэнсийэлээх дьахтары түөкүттэр домофон уларытабыт диэн 579 тыһыынча солкуобайын үктэтэн ылбыттар. 

42 саастаах Жатай олохтооҕо дьахтар түөкүттэргэ 300 тыһыынча солкуобайын ыйыллыбыт счекка ыыппыт, киниэхэ косметика уонна парфюмерия супермаркетыттан курьер төлөпүөннээбит.