Түөкүттэрбит аттыбытыгар эмиэ бааллар

Дьокуускайга 42 саастаах эр киһини сууттаатылар, кини дьону олус талааннаахтык харчыга үктэппит, хаптаһынтан уонна буруус мастан “көмүс хайалары” эрэннэрбит. Эр киһи тутуу матырыйаалыгар, бэл диэтэр, дьиэлэри “под ключ” тутарга эрдэттэн төлөбүрү ылаттаабыт, ол эрээри тугу да тиэрдэр, тутар санаата суох сылдьыбыт.

Суукка биллибитинэн, албынньыт соҕотоҕун дьаһамматах – кэргэнин урбаанынан дьарыктанар тэрилтэтин туһаммыт. Кини түөкэйдээн ылбыт 30-тан тахса мөлүйүөн солкуобайын бэйэтигэр ороскуоттаабыт.

Түмүккэ, 17 сиэртибэ кини угаайытыгар киирэн биэрбит. Эр киһини ХК 159 ыст. 4 ч. улахан кээмэйдээх массыанньыктааһынтан саҕалаан, ордук улахан кээмэйдээххэ тиийэ буруйдаатылар.

Кинини түөрт сылга усулуобунай болдьохтоох 8,5 сылга хаайыыга уурдулар. Бириигэбэр күүһүгэр киирэ илик.