Түөкүттэр сүгүннээбэттэр

Арассыыйа күнүн көрсө F6 хампаанньа сэрэтэринэн, баан аатыттан сымыйа ыйытыктар тарҕаммыттар. Түөкүттэр 5-тэн 300 тыһыынча солкуобайга диэри төлөбүрдэри эрэннэрэллэр, ол эрээри, дьиҥэр, тус иһитиннэриилэри уонна харчыны уораллар.

Уоруйахтар сымыйа ыйытыктаах сайтары оҥорбуттар. Киһи хас да ыйытыыга хоруйдуохтаах, ол эрээри кыттар туһугар кини төлөпүөнүн нүөмэрин уонна баан каартатын толору реквизиттэрин киллэриэхтээх. Түмүккэ эмсэҕэлээччиттэн баантан кэлбит СМС иһитиннэрии кодун этэригэр көрдүүллэр. Бу кэнниттэн түөкүттэр счекка киирэр кыахтаналлар.

Экспертэр чэпчэки харчыны эрэннэрэр дьоҥҥо итэҕэйбэккитигэр уонна иһитиннэриини официальнай сайтарга бэрэбиэркэлииргитигэр сүбэлииллэр. Билбэт дьоҥҥутуттан кэлбит сигэлэри баттаамаҥ уонна саарбах страницаларга каарта дааннайдарын киллэримэҥ.