Түөкүттэр албыннаабыт дьиэлэрин суут төнүннэрэр кыаҕа суох буолуоҕа

Билигин аллараа турар инстанциялар, өскөтүн атыылааччылар кинилэри массыанньыктар албыннаабыттарын туһунан этэр да буоллахтарына, дьиэни атыылааччыга төнүннэрэр кыахтара суох буолуоҕа, — диэн үрдүкү суут пресс-сулууспата иһитиннэрдэ.

Бу быһаарыы маннык дьыалаларга биир кэлим сыһыаны олохтуур наадаттан ылылынна. Атыыламмыт кыбартыыраны, атыылаһааччы атыылааччы уйулҕа өттүнэн ыалдьа сылдьарын билбит эбэтэр сэрэйбит эрэ түгэнигэр, төнүннэриэххэ сөп. Атыылааччы бутуллуута (алҕаһыыра) дуогабары дьиҥэ суоҕунан аахпат. Сууттар икки өрүт интэриэһин учуоттуур эбээһинэстээхтэр: көмүскэл эмсэҕэлээбит киһиэхэ уонна ыраас суобастаах атыылаһааччыга эмиэ оҥоһуллуохтаах.

Өскөтүн хоромньу ылбыт киһи илии баттыыр кэмигэр уйулҕатын туругун холобурдуур буоллаҕына, суут ону бэрэбиэркэлиэхтээх. Албыннаммыттара дакаастаннаҕына, өрүттэр бэйэ-бэйэлэригэр ылбыттарын төннөрөллөр. Ону таһынан саҥа ньыма урут кэргэннии буола сылдьыбыт дьон холбуу бас билиилэригэр баар кыбартыыралары атыылааһыҥҥа эмиэ сыһыаннаах: суут атыылаһааччы иккис бас билээччи сөбүлэҥэ суоҕун туһунан билэр эбитин быһаарыахтаах.

Бэлэх биэрии дуогабарын, моҥкуруукка барарга кирэдьиит биэрээччилэртэн баайы кистиир инниттэн түһэрсибит буоллахтарына, дьиҥэ суоҕунан ааҕыахха сөп.