Үүт бэлэмэ бэркэ баран иһэр

Бу – сыллааҕы былаан 84,9%-гар тэҥнэһэр. Инньэ гынан, былырыын баччаҕа туттарыллыбыттан 15,6 туоннанан үгүөрү.

Кимнээх үүт ыамыгар инники күөҥҥэ иһэллэрин, ол эбэтэр, чопчута, ылыммыт былааннарын толорууга бастыҥ көрдөрүүлээхтэрин этэр буоллахха, Нам улууһа бастакы сылдьар. Улуус үүт туттарааччылара  110%-ы туттарбыттар. Намы тилэх баттаһа кэбээйилэр иһэллэр, көрдөрүүлэрэ – 104%. Алта улуус – үгүөрү былааннаах Сунтаар, Горнай, Ленскэй, Таатта, Өлүөхүмэ уонна Мииринэй былаан 90 бырыһыанын куоһарбыттар

Дьэ, оттон баалабай оҥорон таһаарыы кээмэйинэн бастакы миэстэҕэ Мэҥэ Хаҥалас хаһаайыстыбалара сылдьаллар. 6144 туонна былааннарыттан күн бүгүн 5 432,61 туоннаны туттарбыттар.  Иккис миэстэҕэ 4 985 туонналаах Сунтаар улууһу, үһүс миэстэҕэ 4106 туоннаны туттарбыт Чурапчы улууһа сылдьар.

Санатар буоллахха, үүт бэлэмигэр анаан өрөспүүбүлүкэ бүддьүөтүттэн быйыл 3,7 млрд солк. ананара быһаарыллыбыта. Итинтэн билиҥҥи туругунан 3,217 млрд солкуобайа улуустарга, куораттарга ыытыллан турар. Бу – уопсай анаммыт үп 86%-а буолар.  

Арыы да бэлэмэ куһаҕана суох чинчилээх. Көмө мэхэньиисим уларыйбыт бастакы сылыгар куоракка эрэ буолбакка, бэл, улуустарга кытта арыы диписиит буола сылдьыбыттаах. Оттон билигин киһи арыыны булбат кыһалҕаны умунна да диэххэ сөп. Арыыны 5-тии, 10 кг дьааһыктаан, киилэтин  1100 солк. атыылааччылар бааллар. Биирдиилээн атыыга арыы биир киилэтин, ортотунан, 1400 солк. булаҕын.