Сыллааҕы 189 тыһ. солк. дьиэ кэргэн төлөбүрүгэр кимнээх хапсыахтарын сөбүй?

«Российская газета» юриһа Иван Курбаков кэпсээбитинэн, дьиэ кэргэҥҥэ саҥа төлөбүр — үлэлиир төрөппүттэр НДФЛ-ларын сороҕун төннөрүү (кешбэккэ майгынныыр) буолар. 2025 сыллааҕы сайабылыанньаны бэс ыйын 1 күнүттэн саҕалаан биэриэххэ сөп.

«Төлөбүрү ылар туһугар үс усулуобуйаны тутуһуохха наада: төрөппүттэр иккиэн официальнайдык үлэлииллэр, дьиэ кэргэн биир чилиэнигэр тиксэр дохуот олох олорор алын кээмэйиттэн 1,5 үрдүө суохтаах уонна алимеҥҥа иэс суох буолуохтаах», — диэн быһаарда Иван Курбаков.

Оттон 17-гэр диэри саастаахтарга уонна хат дьахталларга бэриллэр биир кэлим босуобуйа ирдэбиллэрэ кытааталлар: 12 ыйга дьиэ кэргэн үлэлиир кыахтаах чилиэннэрин дохуота билигин аҕыс МРОТтан итэҕэһэ суох буолуохтаах, урут түөрт МРОТтан намыһах буолуо суохтаах этэ.