Сылаас тохтобуллары көрүүгэ-истиигэ 21 мөл. солк. былааннанар

Баар, үлэлии турар тохтобуллары сэргэ бу харчы эбии 10 саҥа тохтобулу үлэҕэ киллэриигэ туһуланар.

Санатар буоллахха, «Тырааныспар ситимин сайыннарыы» муниципальнай бырагырааманан 2021-2024 киин куоракка 51 сылаас тохтобул үлэҕэ киирбитэ, 2025 сылга - 10. Бэлиэтээн эттэххэ, сыл аайы куоракка 10-нуу саҥа сылаас тохтобулу үлэҕэ киллэрэр былаан баар.

Куорат балансатыгар баар муниципальнай тохтобуллары таһынан «чааһынай тохтобуллар» эмиэ бааллар, ол эбэтэр урбаанньыкка уларсыкка бэриллэр тохтобуллар. Маннык тохтобуллары көрүүнэн-истиинэн, сылааһынан хааччыйыынан урбаанньыт бэйэтэ дьарыктанар. Ол оннугар кини атыы-эргиэн туочукаланар.

Тохтобуллар санитарнай туруктарыгар, алдьаныы-кээһэнии түгэнигэр, үлэлиир эрэсиимнэрин тутуһууга, уопсастыбаннай тырааныспарга сыһыаннаах атын даҕаны боппуруостарынан 300-900 чат-бот нүөмэргэ эрийэн биллэриэххэ сөп.