Сылаас тохтобулга куоластааһын тэтимэ бытаан

2026 сылга былааннаммыт 10 тохтобултан биэһин нэһилиэнньэ куоластааһынынан коммуникацията суох сирдэри бэлэмнээн туруоруохтара. Ол инниттэн куорат баһылыга Евгений Григорьев ВК-ханаалыгар киирэн, ыйыллыбыт тохтобуллартан хаһыгар да куоластыахха сөп. Куоластааһын 5 хонуктааҕыта, ыам ыйын 22 күнүгэр, биллэриллибитэ эрээри, баара эрэ 345 киһи кыттыылаах улахан уота-күөһэ суох бара турар. Бүгүҥҥү туругунан инники күөҥҥэ «Патриот» (ДьКСТ, Очиченко) (31.4 %), «4 №-дээх почта» Сэбиэскэй Аармыйа 50 сыла (27.33 %), «Кыайыы паарката» Өктөөп 50 сыла Автострада (21.51 %) иһэллэр. 

Куоластааһыҥҥа турбут тохтобуллар:

1. «Набережнай» – Лермонтов уул. (Каландаришвили уул. барыыга) – 7.85 %

2. «14 №-дээх оскуола» – Лермонтов уул. (Сэргэлээх диэки барыыга) – 9.3 %

3. «Агротехнологическай университет» – Сэргэлээх шоссета (Красильников уул. барыыга) – 7.27 %

4. «Патриот» (ДьКСТ) – Очиченко уул. (куорат киинин диэки) – 31.4 %

5. «Цирк» – Поярков уул. (Киров уул. диэки барыыга) – 13.95 %

6. «Кыайыы паарката» – Өктөөп 50 сыла Автострада (куорат киинин диэки барыыга) – 21.51 %

7. «Акварель» – Поярков уул. (икки өттүгэр) – 7.85 %

8. «4№-дээх почта» – Сэбиэскэй Аармыйа 50 сыла уулусса (куорат диэки барыыга) – 27.33 %

9. «Уу тырааныспарын института» – Богатырев уул. (Дзержинскэй уул.) – 11.05 %

10. «Кулаковскай аатынан НДДь» – Дзержинскэй уул.(аэропорт диэки барыыга) – 20.00 %

Ытыктабыллаах куорат олохтооҕо! Эн куолаһыҥ сылаас тохтобуллар ордук тоҕоостоох сиргэ баар буолалларыгар төһүү буолуо! 
Куоластыыр сигэ манна баар.