Сылаас тохтобул икки көрүҥнээҕин билэҕин дуо?

Ол эрээри сылаас тохтобулу биир күдьүс гына ылынар сыыһа буолуо. Тоҕо диэтэххэ, сылаас тохтобул сорох өттүн муниципалитет көрөр-истэр, харайар, кэтээн көрөр. Муниципалитет тохтобуллара куораттааҕы Суол-тырааныспар сулууспатын балаансатыгар киирэр.

Оттон сорох сылаас тохтобул – чааһынай бас билии. Чопчута, итинтибит стационарнайа суох атыы эбийиэгэ-тохтобул диэн ааттанар. Кылгатыллыбыта – НТО.

Тохтобул түстэниэхтээх түөлбэтин быраабата тохтобулу туруорарга дуогабар түһэрсэр. Ол кэнниттэн биирдиилээн урбаанньыкка уларсыкка биэрэр. Бу маннык тохтобуллары көрүү-истии, ол иһигэр сылааһынан хааччыйыы арендалаһааччы суотугар оҥоһуллар. Ол оннугар атыы-тутуу ыытарга табыгастаах тутуулана түһэр.

Чааһынай тохтобуллар испииһэктэрин билсиэҕиҥ:

 
1. Автодорожнай, 31;

Нагорнай түөлбэ. ПТФ;

Тимирязев (тиһэх тохтобул);

Можайскай, 27В;

Можайскай, 14П;

Севастопольскай, 1/1А;

Октябрьскай, 24;

Киров, 19 («3-с Поликлиника тохтобула);

Каландаришвили, 17В;

Дзержинскэй, 68 («Столичнай ырыынак» тохтобула);

Дзержинскэй, 42/3;

Ф. Попов, 8А;

Медкиин (тиһэх тохтобул);

Каландаришвили, 45;

Билибин, 33;

Сэргэлээхтиир суол, 4 км;

Лермонтова («3-с поликлиника» тохтобул);

Жорницкай, 25А («Строительнай ырыынак» тохтобула);

Дзержинскэй, 51П («ЯКСМК» тохтобул);

Дзержинскэй, 5Б;

Дзержинскэй, 37;

Дзержинскэй, 71;

Курашов, 45;

Стадухин, 86;

203 мкр. (20-с к. аттыгар);

Маҕанныыр аартык, 8 км;

Маҕанныыр аартык, 9 км;

Николаев тохтобула;

Мархинскай, 38 №-дээх дьиэ аттыгар;

Строд, 10/2 №-дээх дьиэ аттыгар

Бэлиэтээн эттэххэ, маны сэргэ Дьокуускай куорат Олохтоох дьаһалтатын бас билиитигэр 51 муниципальнай сылаас тохтобул баар. Бу тохтобулларга эппиэтинэһи куорат дьаһалтата сүгэр.

Тохтобуллар санитарнай туруктарыгар, алдьаныы-кээһэнии түгэнигэр, үлэлиир эрэсиимнэрин тутуһууга, уопсастыбаннай тырааныспарга сыһыаннаах атын даҕаны боппуруостарынан 300-900 чат-бот нүөмэргэ эрийэн биллэриэххэ сөп.