Сыл саҕаланыаҕыттан 200-тэн тахса дьэллик ыт тутулунна

2026 сыл саҕаланыаҕыттан хаһаайына суох 222 ыты туттулар. Өрөспүүбүлүкэ бэтэринэриийэҕэ салаатын олунньу 4 күнүнээҕи дааннайынан, 19 кыылы приюттарга уонна хаһаайыттар кэлэн ылыахтарыгар диэри быстах кэмнээх пууҥҥа аҕалбыттар.

Ордук элбэх ыт куорат уокуругар тутулунна – 160, Нам оройуонугар – 12, Таатта оройуонугар эмиэ – 12. Өрөспүүбүлүкэ атын оройуоннарыгар уончалыы ыт тутуллубут.

Сыл саҕаланыаҕыттан дьиэ кыылын тутуу быраабылатын кэспит хаһаайыттарга СӨ КоАП5.4 ыстатыйатынан 14 боротокуол толоруллубут. Бу кэһии иһин барыта 27 000 солкуобай суумалаах ыстараап суруллубут.

Маны таһынан, РФ КоАП8.52 ыстатыйатын 3 чааһынан ыттара дьону эчэппиттэрин иһин гражданнарга 2 боротокуол толоруллубут. Бу кэһии иһин 20 000 солкуобай ыстарааптары төлүөхтээхтэр.