Сыбаайбалааччылары самокатынан сүүрдүүгэ ыҥыраллар

Тэрээһини СӨ Саахса управлениета Дьиэ кэргэн, таптал уонна эрэллээх буолуу күнүгэр анаан ыытар.

Мустуу: 11:30 чааска, “Токко” маҕаһыын иннигэр (“Доҕордоһуу болуоссата” тохтобул).

Инструктаж кэннэ 12:00 чааска самокаттар хоҥноллор.

Сыбаайбалааччылар Дьокуускай киин уулуссатынан Өрөспүүбүлүкэ болуоссатыгар диэри айанныахтара. Онно кинилэри үөрүүлээх быһыыга-майгыга көрсөллөр, уопсай хаартыскаҕа түһүү буолар.

Тэрийээччилэр эр дьону маҥан үрдүлээх, хара бүрүүкэлээх, кэрэ аҥаардары – кылгас маҥан былааччыйалаах уонна фаталаах кэлэргэ көрдөһөллөр.

Бэйэҕит электросамоката суох буоллаххытына тэрийээччилэр көлө биэрэллэр.

Сайаапкалары от ыйын 6 күнүгэр (бүгүн үлэ күнэ бүтүөр диэри) диэри туталлар: 506-447, 8 (996) 315-28-81 (Ю.И. Ноговицына).