СВО кыттыылаахтарын уонна кинилэр дьиэ кэргэннэрин болҕомтотугар

Дьокуускай куорат Олохтоох дьаһалтатын Сир уонна баай-дуол сыһыаннаһыыларыгар департамена мантан инньэ сир ылыан баҕалаахтартан сайабылыанньаны тутуу биир кэлим платформаҕа көһөрүн иһитиннэрдэ. 
Оннук быһаарыы  сири докумуоннатыы, суруйтарыы түргэн уонна аһаҕас буоларын наадатыгар  ылыллыбыт.

❗ Болҕой, сир учаастагын ыларга учуокка туруу электроннай өҥөтүнэн «Госуслуга» портал нөҥүө эрэ туһаныахха сөп буолла. Онон бу сыл ыам ыйын 5 күнүттэн саҕалаан, итинник докумуоннары  «Е-Якутия» диэн эрэгийиэннээҕи портал нөҥүө тутуу тохтоото.

✅Сир ыларга учуокка турар сайабылыанньаны хайаан да Судаарыстыбаннай өҥө тутаах порталын нөҥүө ыытар буолаҕыт.
Умнубат,  бутуллубат гына, онно киирэр сигэни бэлиэтэнэн кэбиһиҥ: https://clck.ru/3MJxoc
✅Бу  иннинэ, эрдэ, сайабылыанньаны хайыы үйэ уруккулуу эрэгийиэннээҕи «Е-Якутия» порталга ыыппыттар, долгуйумаҥ.  Бу күн иннинэ туттарбыттар киэннэрэ тиһэҕэр диэри оҥоһуллар.
✅Ону таһынан учуокка турар сайабылыанньаны департамеҥҥа бэйэҕит сирэй тиийэн туттарар кыахтааххыт.
Аадырыстара: Дьокуускай куорат Октябьскай уулуссатын 20/1 нүөмэрдээх дьиэтин бастакы этээһэ, 2 №- дээх түннүк.
✅Манна даҕатан эттэххэ, социальнай хайысхалаах ыйытыыга сүбэ наада түгэнигэр эмиэ ити аадырыска, атына диэн,  311-с кэбиниэккэ чуолаан сэрэдэ күн күнүс  14:00—  17:00 ч. тиийиэххитин сөп.
✅Наадалаах иһитиннэриини көтүппэт гына, департамент ханаалларыгар сурутуоххутун сөп:
МАХ https://clck.ru/3R6BQu
ВК https://clck.ru/3RVfUQ