СВО 307 кыттыылааҕа идэҕэ туһаайыы үлэтинэн хабылынна

«Быйыл бэс ыйын 1 күнүнээҕи туругунан, биһиги анал байыаннай дьайыы 307 кыттыылааҕын идэҕэ туһаайыы үлэтинэн хаппыппыт, 22 бойобуой дьайыы бэтэрээнэ үөрэҕи ааста. СВО кыттыылаахтара инбэлиит буоллахтарына, квалификацияны үрдэтэр уонна профессиональнай бэлэмнэнии бырагыраамаларынан босхо үөрэҕи ааһар кыахтаахтар», — диэн тэрилтэ дириэктэрэ Марина Сивцева брифиҥҥэ эттэ.

Кини этэринэн, 36 чаастаах кылгас куурустар саайтары оҥоруу, тайм-менеджмент, дизайн төрүттэрэ, үбү-харчыны сөптөөхтүк салайыы курдук ирдэнэр сатабыллары баһылыырга кыаҕы биэрэр.

144 чаастаах идэтийбит бэлэмнэнии бырагырааматынан техникум-интэринээккэ маннык идэлэргэ үөрэниэххэ сөп:

— социальнай үлэһит;

 — ас полуфабрикаттарын оҥорооччу;

 — иистэнньэҥ;

— асчыт;

 — килиэп астааччы;

— электроннай-ааҕар массыына оператора;

— оҕуруот хаһаайыстыбатын оробуочайа;

— куукуна оробуочайа.

Техникум-интэринээккэ үөрэх, чөлүгэр түһэрии уонна абилитация боппуруостарынан маннык аадырыска билсиэххэ сөп: Дьокуускай куорат, Сэргэлээх шоссе, 10 км, 3-№дээх дьиэ.

Билсэр төлөпүөн: 89142368911.

Үөрэнэргэ пааспар, үөрэх туһунан докумуон, СНИЛС, СВО кыттыылааҕын дастабырыанньата, медико-социальнай экспертиза ыспыраапката наада.