СВО 260 кыттыылааҕа медицинскэй көрүүнү ааста

Бу туһунан кулун тутар 30 күнүгэр ыытыллыбыт брифиҥҥэ СӨ доруобуйа харыстабылын министиэристибэтин нэһилиэнньэҕэ медицинскэй көмөнү тэрийии департаменын салайааччытын э.т., Саха сиринээҕи доруобуйа харыстабылын министиэристибэтин штаты таһынан кылаабынай терапевт бырааһа Айталина Торонова иһитиннэрдэ.

“3197 байыаннай сулууспалаахха – амбулаторнай медицинскэй көмө, 1 281 киһиэхэ стационарнай көмө оҥоһулунна. 430 байыас медицинскэй реабилитацияны ааста. 887 кыттааччы уонна кинилэр дьиэ кэргэттэриттэн 1177 киһи медицинскэй, психологическай, психотерапевтическай уонна психиатрическай көмөнү ыллылар”, – диэн Айталина Торонова кэпсээтэ.

Торонова иһитиннэрбитинэн, бүгүҥҥү күҥҥэ 260 бэтэрээн диспансеризацияны ааспыт. Дьокуускайдааҕы психоневрологичекай диспансер психологтара суукканы эргиччи дойду атын эрэгийиэннэрин тыһыынчанан абоненнарыгар көмө, сүбэ биэрэллэр. Маны таһынан, өрөспүүбүлүкэ медиктэрэ ДНР Докучаевскай куоратыгар үлэлэрин салҕыы ыыталлар. Кинилэр барыта 1500-тэн тахса эпэрээссийэни оҥордулар диэн Айталина Торонова эбэн эттэ.

Хаартыска уонна тиэкис:sakha.gov.ru