Суукка иһигэр туох буруй оҥоһулунна

Ньурба оройуонун Маалыкай сэлиэнньэтигэр саанан ытыллыбыт 1965 с.т. аҕа уонна кини уола, 2003 с.т., өлүктэрэ булулунна, маныаха РФ ХК 105 ыстатыйатын 2 чааһынан холуобунай дьыала тэрилиннэ.

Нерюнгри оройуонугар икки биэнсийэлээх, 1963 с.т. уонна 1973 с.т., “инвестиция” албыннааһын схематыгар түбэһэн биирдэрэ 1,4 мөл. солк., иккиһэ 3,7 мөл. солк. тахсаттан мэлийдилэр. 

Ньурба оройуонугар сааны, онно ботуруоннары сокуоннайа суох харайбыт киһи тутулунна.

Ньурба куорат биир дьиэтин таһыгар, ойууртан чугас, 1968 с.т. дьахтар тоҥон эрэрин булан балыыһаҕа киллэрбиттэр, хомойуох иһин, реанимацияҕа тыына быһынна.

Киһи өлүүлээх суол быһылаана бэлиэтэммэтэ.

Суукка устата 5 суоппар уруулга итирик туруктаах олорон тутулунна.