Суукка иһигэр туох буруй оҥоһулунна?

Дьокуускайга бэйэтин кыбартыыратыттан төбөтүгэр эчэйиилээх 1987 с.т. киһини балыыһаҕа киллэрдилэр.

Ленскэй оройуонугар буҕаалтыр киһи албыҥҥа түбэһэн, 150 тыһ. солк. сүтэрдэ.

Киин куоракка кыбартыыраттан көмүс оҥоһуктары уонна харчыны  уорбуттар, хоромньута – 825 тыһ. солк. Оттон биир тиэргэнтэн матасыыкыл күрэппиттэрин туһунан тыллабыр киирдэ.

Мэҥэ Хаҥалас оройуонугар арыгы иһэн баран массыына ыыта сылдьар киһини туттулар. Бу киһи хайыы үйэ иккис түбэһиитэ.

Дьокуускайга наркотигы сокуоннайа суох туттуу түбэлтэтэ, суоппар сымыйа дастабырыанньалаах сылдьара билиннэ.

8 суоппар уруулга итирик туруктаах олорон тутулунна.