Сурах-садьык тарҕатыы иһин холуобунай эппиэтинэскэ тардыллыахха сөп

Сурах-садьык бэйэтэ буруйдааһын төрүөтэ буолбатах, ол гынан баран билэ-билэ сымыйанан киһини үөҕэр иһитиннэриилэри тарҕатыы Холуобунай кодекска киирэр. Бу туһунан юрист Михаил Салкин “Абзацка” быһаарда.

Эксперт этэринэн, иһитиннэрии киһи чиэһин алдьатар, ону ааһан сымыйа, тарҕанар буоллаҕына (ордук интэриниэтинэн), ону үөҕүүгэ киллэриэххэ сөп (клевета). Арассыыйа Холуобунай кодексатын 128.1 ыстатыйатыгар икки сылга диэри көҥүлэ быһыллыан сөп, ол эрээри суут үксүн 1 мөлүйүөн солкуобайга диэри ыстараап аныыр.

Салкин эбэн этэринэн, эмсэҕэлээбит киһиэхэ саамай үчүгэй көмүскэнии диэн, иһитиннэриини сымыйа диэн биллэрэргэ, ону көннөрөн этэллэригэр, тарҕатыыны тохтоторго уонна моральнай хоромньуну төлөөһүнү ирдииргэ суукка үҥсүү түһэрии буолар.