Суоппарга наадыйыы билигин да улахан

Үлэ уонна үлэһит (каадыр) көрдүүргэ көмөлөһөр RabotaYkt ыам ыйын түмүгүнэн ордук ханнык идэлэргэ үлэһит тиийбэтин ырытан көрбүт. Оннук идэ, сэрэйиллэрин да курдук – суоппар эбит. Тэрилтэлэр суоппардарга, ортотунан ыллахха, 80 тыһ. солк. хамнаһы мэктиэлииллэрэ көстүбүт. Иккис миэстэҕэ атыыһыт-консультан идэтэ сылдьар. Орто ыйдааҕы хамнас кинилэргэ –  67 тыһ. 500 солк. Итини сэргэ биэс ордук ирдэнэр, наадыйыллар идэҕэ повар, администратор уонна уборщица (уборщик) ааттаммыттар. Ону тэҥэ киэҥник тахсан эрэр бакаансыйа SMM-менеджер киэнэ эбит. Тоҕо диэтэххэ бу идэҕэ чопчу тутуһуллар үлэ кэмэ диэн суох, көҥүл кыраапыктаах буолар. Биһиги Дьокуускайбытыгар СММ-щик ыйдааҕы орто хамнаһа 37 тыһ. 500 солк. тэҥнэһэр.