Суолу уларытан тутуу 7 млрд солк. сыаналанар

Бу туһунан баһылык урбаанньыттар иннилэригэр отчуокка иһитиннэрдэ.
Бэлиэтээн эттэххэ, "Киин куорат" Чернышевскай уулуссатыгар Краснояров уулуссатыттан Покровскайдыыр суолга диэри кэрчик, Михаил Николаев проспега – Чернышевскай – Красильников уулуссаларын быһа охсуһуулара кэҥэтиллиэхтэрэ диэн суруйан турар. 
Чернышевскай уулуссатыттан Покровскайдыыр суол ГИБДД поһугар диэри кэрчигэ эмиэ түөрт балаһаланыаҕа. Владимировка бөһүөлэгиттэн Табаҕаҕа салайыыга диэри суол эмиэ түөрт балаһаланара сабаҕаланар.
Санатар буоллахха, Өлүөнэ өрүс күргэтэ үс федеральнай уонна биэс өрөспүүбүлүкэ таһымнаах массыына суолларын ситимниир аналлаах. Ол түмүгэр Сибиир куораттарыттан таһаҕаһы тиэйии тыһыынчанан килэмиэтирэнэн кылгыаҕа. Ону сэргэ сылы эргиччи сырыы табаар сыанатыгар, ороскуот кээмэйигэр үчүгэйинэн дьайара күүтүллэр.

Ол курдук, икки балаһалаах күргэнэн сууккаҕа 5300 массыына туоруур кыаҕа олохтонуоҕа.