Суол-иис

Кулун тутар 25 күнүгэр буолбут Ил Түмэн 18-с пленарнай мунньаҕар СӨ Ааҕар-суоттуур палаататын (мантан салгыы – АСП) 2025 сыллааҕы үлэтин түмүгүн бэрэссэдээтэл Алена Федорова иһитиннэрдэ. Бу туһунан Ил Түмэн пресс-сулууспата тугу суруйбутун салгыы билсиэҕиҥ.

Суол салаатыгар анаммыт 14,9 млрд солк. туттуллуутун бэрэбиэркэлээбиттэр. Үчүгэйэ диэн, эрэгийиэн таһымнаах суол 63%-на нуорумаҕа эппиэттэһэр үһү. Ол аата, бүтүн дойду да, Уһук Илин уокурук да орто көрдөрүүлэриттэн үрдүк. Хобдоҕо диэн, олохтоох суол туруга быстар мөлтөх, нуормаҕа эппиэттэһэрэ баара эрэ – 38,5%.

Уопсайа 1,1 млрд солк. суумалаах (1 293 түбэлтэ) кэһии уонна итэҕэс баара биллибит. О.и. “путевой лиискэ” приписка, туохха да олоҕурбатах командировкалар, бириэмийэлэр, толоруллубатах үлэҕэ төлөөһүн, атыыны бытарытан ыытыы, атыы болдьоҕун кэһии уо.д.а. баар.

257, 8 мөл. солк. бүддьүөт кодексын кэһии тахсыбыта, 155,6 мөл. солк. госзакупка сокуоннарын кэһии баара бэлиэтэммит. Сорох матырыйааллар Прокуратураҕа бэриллибиттэр.

Дьокуускай куоракка быйыл сайын ханнык уулусса-суол ситимигэр өрөмүөн-тупсарыы үлэтэ ыытыллан эрэрин МАНТАН билсиҥ.