Сулустар кэпсииллэр

Бу нэдиэлэ — бэйэни, бэйэ ис кыаҕын билэргэ уонна саҥа кыахтары арыйарга туһуламмыт кэм. Айар үлэҕэ, сыһыаны тупсарарга уонна бэйэни сайыннарарга олус тоҕоостоох күн-'дьыл турар. Мөккүөртэн, куhаҕан санааттан тэйиччи сылдьыҥ.

✅Хой

Саҥа кыах-сэниэ эбиллэр, үлэҕэ-хамнаска көхтөөх буолар кэмиҥ. Ис санааҕын иһит, сонун бырайыактары саҕалаа.

✅Оҕус

Турук уонна бигэ буолуу нэдиэлэтэ. Дьиэ кэргэҥҥэ уонна үлэҕэ эйэлээх, бигэ сыһыаны олохтоо. Айылҕаҕа сырыт.

✅Игирэлэр

Элбэх кэпсэтии, көрсүһүү күүтэр. Саҥа санааны, толкуйу атастаһарга, үллэстэргэ туох да ааттаах үчүгэй нэдиэлэ. Дьоҥҥо үтүө сыһыаҥҥын биллэр. Айаҥҥа сэрэхтээх буол.

✅Араак

Ис эйгэҕин чинчий, санааҕын уоскут. Чугас дьоҥҥо болҕомтоҕун уур. Өр алтыспатах доҕоргун, дьүөгэҕин кытта ирэ-хоро сэһэргэс. Арыгыга чугаһаама.

✅Хахай

Айар кутуҥ арыллар. Бэйэҕэ эрэллээх буолуу уонна көхтөөх хамсаныы ситиһиини аҕалыа. Доруобуйаҥ этэҥҥэ. Ыалдьа сылдьааччы үтүөрүө.

✅Кыыс Куо

Сааһыланар, бэрээдэги олохтуур уонна сыалы-соругу чопчулуур, торумнуур кэм кэлбит. Доруобуйаҕын көрүн. Битэмииннээх аһы аһаа.

✅Ыйааһын

Уопсай тылы буларга, сыһыаны тупсарарга бу күннэри туттумахтас. Төрөппүттэргин кытта алтыспатаҕыҥ ырааппыт түгэнигэр, эрий, билис.

✅Ооҕуй

Ис күүскүн түмүн. Урукку сыыһалары көннөрөргө, салгыы сайдарга туһалаах кэм. Ким эрэ иннигэр буруйдаах буолларгын, хайаан да алы гынарыгар көрдөс. Бэйэҥ да уоскуйуоҥ.

✅Охчут

Айан-сырыы уонна саҥа билсиһии күүтэр. Көхтөөх буол. Айылҕалыын алтыһан, күүстэ-уохта мунньун. Туруоруммут соругуҥ туолар кыаҕа сүҥкэн.

✅Чубуку

Үлэҕэ ситиһиилэнэр кэм. Былааҥҥын, соруккун сиһилии толкуйдаан баран, хамсан. Оччоҕо түмүгэ да астык буолуо. Дьону буруйдуур быһыыгын бырах.

✅Күрүлгэн

Саҥа санаа-толкуй үксүүһү. Сонун этии да киириэн сөп. Доҕотторгун кытта бииргэ буоларыҥ, алтыһарыҥ туһалыа. Харчыгын суоттаан тутун.

✅Балыктар

Иэйии уонна аһыныгас буолуу күүһүрэр нэдиэлэтэ. Айар үлэҕэр уонна сынньалаҥҥар ордук болҕой. Күһүҥҥү санаа түһүүтүн ыраах, киэр кыйдаа. Ырыата иһит.