Сулустар кимиэхэ, тугу сүбэлииллэрин билсиэҕиҥ.
♈ Хой.
Сарсыардаттан күүс-уох киириэҕэ, туох эмэ хамсаныылаах дьыаланан — холобур, биир эмэ спорт көрүҥүнэн эбэтэр уһун дистанцияҕа хаамыынан — дьарыктанарыҥ ордук. Киэһэни чугас дьоҥҥунуун истиҥник атаар.
♉ Оҕус.
Өрдөөҕүттэн күүппүт сонуҥҥун истэн үөрүөҥ, былааннаргын олоххо киллэрэр кыах үөскүө. Доруобуйаҕар болҕомтолоох буол, тугуҥ эмэ ыарыйдаҕына тута бырааска көрдөр.
♊ Игирэлэр.
Атыттар кыһалҕаларын быһаарарга күҥҥүн- дьылгын барыах курдуккун. Быһаарсыылаах кэпсэтиилэргэ уонна мөккүөргэ- иирсээҥҥэ кыттыһыма. Арыый туттуна соҕус сылдьарыҥ ордук.
♋ Араак.
Туох эмэ уустук балаһыанньа үөскээтэҕинэ ыксаама, арыый уоскуйан, тымныы өйгүнэн толкуйдаа. Дьиэ кэргэниҥ дьонугар, күннээҕи кыһалҕаларыгар болҕойуоххун наада.
♌ Хахай.
Эйигин атыттар ойуччу тутан бэлиэтиэхтэрэ уонна сыаналыахтара. Кэлэктиип иһигэр элбэҕи кириитикэлииртэн туттун. Хата, киэһэтин инники былааннаргын толкуйдаа, торумнаа.
♍ Кыыс Куо.
Бүгүҥҥү күн уопсай тылы буларга, араас кэпсэтиилэри ыытарга бэртээхэй буолсу. Тус олоххор ис таайан көрөр дьоҕургун истэ үөрэн. Оччоҕо сыыһа - халты дьаһаныыҥ тохтуо. Уу- нуурал олох сатыылыа.
♎ Ыйааһын.
Күнүҥ соһуччу уларыйыыларынан уонна сонуннарынан баай буолуох курдук. Үп-харчы боппуруоһун быһаараргар арыый сэрэхтээх буол. Этэргэ дылы, сэттэтэ кээмэйдээн баран, дьэ биирдэ быс.
♏ Скорпион.
Айанныырга, саҥа билсиилэргэ уонна уопут ыларга табыгастаах күн. Куруук дьон болҕомтотун киинигэр сылдьартан сылайбыт буоллаххына, бүөмнээн сынньана түс, күүстэ ылын. ♐ Охчут.
Үлэҕэр уонна инникигин былаанныыргар ураты болҕомтоҕун уур. Күүскүн бытархай дьыалаларга ыстаххына, туһата, көдьүүһэ дуона суох буолуо. Ол кэриэтэ биир сүрүннэрин талан, үлэлэс.
♑ Чубуку.
Өрдөөҕүттэн мунньуллубут дьиэтээҕи, күннээҕи боппуруостары быһаарарга табыгастаах күн. Киэһэ чугас дьонуҥ көрсүһэргэ ыҥырдахтарына, батымматыҥ ордук. Наадалааҕы истиэҥ, билиэҥ.
♒ Күрүлгэн.
Сылайбыт буоллаххына, бэйэҕин харыстаа, холкутуйан, уоскуйа түс. Айар үлэнэн дьарыктаныы, бэйэҥ сөбүлүүр дьыалаҕар ылсыы, айылҕалыын алтыһыы уопсай туруккун биллэ тупсарыа.
♓ Балыктар.
Бүгүн туох барыта чуолкай, дьэҥкэ буоларын курдук, суоттаан-учуоттаан, практичнайдык дьаһанарыҥ туһалыа. Кумааҕыны, дьыаланы, үлэҥ сирин бэрээдэктээ, ол саҥа кыаҕы эбиэ. Кыҥкыйдаан, дьону сылатыма.