Сулустар кэпсииллэр: Ыам ыйын 4 – 10 күннэрэ

Бараан

Бу нэдиэлэҕэ саҥаны эрэллээхтик олоххо киллэриэххин сөп. Үп-харчы боппуруостарыгар сэрэхтээх буоларга сүбэлииллэр. Олус наадата суох буоллаҕына, улахан атыылаһыылары уонна атын ороскуоттары кэлэр нэдиэлэҕэ көһөр.

Нэдиэлэ иккис аҥаарыгар кэпсэтэр дьоҕуруҥ үрдүөҕэ. Саамай мөккүөрдээх киһини даҕаны бэйэҥ көрүүгэр итэҕэтэр кыахтаныаҥ. Настарыанньаҥ үрдүөҕэ, эниэргийэҥ эбиллиэ. Өрөбүллэр эти-хааны дьарыктыырга уонна куһаҕан үгэстэри быраҕарга табыгастаахтар.

Оҕусчаан

Нэдиэлэ саҥатыгар дьоҥҥо интэриэһиҥ сүппүт курдук буолуон сөп. Бу чахчы гынан баран, онтон долгуйар төрүөт суох. Сотору кэминэн барыта чөлүгэр түһүө. Бу кэмнэргэ улахан суолталаах ыйытыыга хоруйу ылыаххын сөп. Күүппүккүттэн атын буолан тахсар түгэнигэр, күүскүн уурдаххына, ол көмөтүнэн көннөрүөҥ. Нэдиэлэ иккис аҥаарыгар тус олоҕуҥ сүрүн оруолу ылыаҕа. Дьиэҕэ балаһыанньа кыратык тыҥааһыннаах буолуон сөп, ол эрээри ол мөккүһүүгэ төрүөт буолбатах. Болҕомтолоох сыһыан өйдөспөт буолууну сэрэтэргэ көмөлөһүөҕэ. Өрөбүллэргэ хойутаабыт дьыалаҕын саҕалаа, интэриэһинэй дии саныыр кинигэҕин аах.

Игирэлэр

Бу нэдиэлэҕэ туох эрэ көннөрүүлэри киллэриэххэ наада да буоллаҕына, ситиһиигэр дьайыа суоҕа. Үчүгэй настарыанньаҥ чугас дьоҥҥун кытта сыһыаҥҥар үтүө өттүнэн дьайар. Ким эрэ кыһалҕаҕын быһаарарга көмөлөһүөҕэ эбэтэр соһуччу түгэнинэн соһутуоҕа. Сулумах игирэлэри нэдиэлэ ортотугар суолталаах көрсүһүү күүтэр. Өрөбүллэр диэки аскар болҕомтолоох буол. Болдьоҕо тахсыбыт астан куртаҕыҥ моһуогуруон сөп.

Араак

Бу нэдиэлэҕэ эниэргийэҥ таһынан таһымныы сылдьар, ол гынан баран ону сыыһа хайысхаҕа ыытар куттал баар. Олоххо бэйэтин суолун билэр дьонтон сүбэ көрдөө, ордук тапталга. Билигин хас биирдии Араак тус ​​дьолун булар кыахтаах. Ситиһии бэйэтин туһунан аһара кэпсээбэт дьоҥҥо тосхойуо. Бу нэдиэлэ бүтүүтэ бары сибээһи аҕыйатар туһалаах буолуо. Кинигэтэ аах, үөрэтэр биэриилэри көр. Баҕа санааттан аккаастаныма. Бу холку буолууга уонна биир кэм турукка көмөлөһүөҕэ.

Хахай

Саҥарар дьоҕургун үчүгэйдик туһан уонна дьыалаҕар өссө дьулуурдаах буолууну көрдөр. Үгэскиттэн кыратык туораан, атыннык толкуйдаа. Биир эмит идиэйэҕэр саарбахтыыр буоллаххына, түргэн быһаарыыны ылыма. Нэдиэлэ ортотуттан олоҕуҥ сүүрээннэрэ кыратык уларыйыахтара. Баҕар-баҕарыма, тус сыһыан киин миэстэни ылыаҕа. Бу кэмҥэ холку уонна сымнаҕас буолууну тутуһуу улахан суолталаах, бу эйиэхэ күүһү-уоҕу эбиэҕэ.

Кыыс Куо

Бу нэдиэлэҕэ уһун болдьохтоох, кэскиллээх дьыалаларга болҕомтоҕун уурарга сүбэлииллэр. Хас да ыксаллаах сорук үөскүөҕэ. Кинилэри быһаарарга уопуккар уонна ис санааҕар тирэҕир. Үчүгэй сыһыан уонна бэйэҕэр эрэллээх буолуу бу кэми чэпчэкитик ааһаргар көмөлөһүөҕэ. Наада буоллаҕына, чугас дьонуҥ өйөбүллэригэр эрэн. Нэдиэлэ бүтүүтэ ситиһии төннүөҕэ, Билигин улахан суолталаах боппуруоһу биэрэргэ, кимтэн эрэ көмүскэл көрдүүргэ, иэстээх киһиэхэ бааргын санатарга эбэтэр бааҥҥа тиийэн табыгастаах кирэдьиит ыларга сөптөөх кэм.

Ыйааһыннар

Туохтан эрэ кыратык дьиксиниэҥ. Саҥа ыаллары эбэтэр доҕоттору кытта алтыһар түгэҥҥэр өйүҥ-санааҥ долгуйуо. Онон чугаһыспатыҥ ордук. Дьиэ ис үлэтин эмиэ ыксатар наадата суох. Сулустар эчэйиэххин сөп диэн сэрэтэллэр. Эниэргийэҥ таһымын хонтуруоллуур эмиэ улахан суолталаах. Этиҥ-сииниҥ чөлүгэр түһэригэр “суһал” сорудахтары тохтотор ордук. Бэйэҕин тапталынан тулалаатаххына, эниэргийэҥ үрдүөҕэ. Сулустар аһыы утаҕы иһимэ уонна калорийдаах аһы аһаама диэн сүбэлииллэр.

Ооҕуй

Бэйэҕэр улахан болҕомтону тардыма. Сэмэй уонна боростуой буолуу барытыгар сөп түбэһэр. Саҥа идиэйэлэри, дьарыктары саҕалыырга табыгастаах нэдиэлэ. Баҕар, тус дьыалаҕар туох эрэ балаһыанньа чуолкайданыа эбэтэр олоххун уларытыан сөптөөх көрсүһүү тахсыа. Тылгын-өскүн кыана сырыт, аймахтаргын кытта иирсээҥҥэ киирэн биэрбэт туһуттан. Кинилэри ыраахтан көрө сылдьар ордук, ордук болҕомтоҕун оҕолоргор, таптыыр киһигэр уур.

Охчут

Нэдиэлэ саҕаланыытыгар ураты суолталаах этии киириэ. Хоруйу түргэнник биэримэ. Истибиккин барытын туһамматах буоллаххына,  сороҕун инникигэ хаһааныаххын сөп. Нэдиэлэ ортотугар айар дьоҕуруҥ үрдүөҕэ. Ханнык баҕарар интэриэһиргиир хайысхаҕа холонон көр. Чугас дьоҥҥуттан тапталга уонна туһалаах кэпсэтиигэ аһаҕас буол.

Чубуку

Бу нэдиэлэҕэ сынньанар бириэмэҥ кэмчи буолуо. Хас биирдии бырайыагыҥ ситиһиини чугаһатыаҕа. Кэпсэтиилэр ордук таһаарыылаах буолуохтара. Бэйэҥ быраабыҥ туһугар өссө күүскэ охсус. Нэдиэлэ иккис аҥаарыгар буола турар түгэннэргэ кыттыспатыҥ ордук. Бэйэҥ дьылҕаҕар, кэрэҕэр уонна кыаххын үрдэтиигэ болҕомтоҕун уурар ордук табыгастаах. Киирэр иһитиннэрии барыта эрэллээх буолбат уонна, биллэн турар, барыта эн болҕомтоҕун ылыа суохтаах.

Күрүлгэн

Бу нэдиэлэ ситиһиилэри түргэтэтэргэ табыгастаах. Чугас эргимтэҥ баҕа санаатын иһит. Бу дьон эйиэхэ үтүөнү эрэ баҕараллар. Ситиһии эһиги икки ардыгытыгар олохтообут сөбүлэһиилэргиттэн тутулуктаах. Күннээҕи дьыалаҕын умнума. Нэдиэлэ иккис аҥаарыгар болҕомтону эрэйбэт дии санаабыт түгэннэр тахсыахтарын сөп. Алҕастары көннөр, ситиһиигинэн муҥурданыма. Өрөбүллэри чугас дьоҥҥун эбэтэр таптыыр киһигин кытта атаарарга табыгастаах.

Балыктар

Бу нэдиэлэҕэ балыктар кимтэн да тутулуга суохтарын көрдөрүөхтэрэ. Көҥүл иһин охсуһуу үлэҕэр мэһэйдээбэтин ситис. Хамаанданан үлэ уопсай түмүгэ бастакы миэстэҕэ хаалар, бэйэҥ бэйэҕин үрдэтэр кыах буолбатах. Бу кэми айылҕаттан бэриллибит талааннаргын көхтөөхтүк тарҕатыыга аныыр ордук. Тус быраапкын көмүскүүргэ кими да итэҕэтэ сатаама. Чугас доҕоттор кэпсэтиигэ уонна саҥа санаалары ырытыыга аһаҕас буолуохтара. Баайга-дуолга, нэһилиэстибэҕэ эбэтэр дьиэҕэ-уокка сыһыаннаах боппуруостар күөрэйэн таҕыстахтарына, исписэлиис сүбэтин ылар ордук.